ஸ்ரீரங்கம் கோயிலில் தமிழிசை செளந்தரராஜன் தரிசனம்
By DIN | Published On : 10th March 2020 11:55 PM | Last Updated : 10th March 2020 11:55 PM | அ+அ அ- |
ஸ்ரீரங்கம் அரங்கநாதசுவாமி திருக்கோயிலில் செவ்வாய்க்கிழமை தரிசனம் செய்ய வந்த தெலங்கானா ஆளுநா் தமிழிசை செளந்தரராஜனை வரவேற்கும் யானை ஆண்டாள்.
ஸ்ரீரங்கம் அருள்மிகு அரங்கநாதசுவாமி திருக்கோயிலில், தெலங்கானா ஆளுநா் தமிழிசை செளந்தரராஜன் செவ்வாய்க்கிழமை தரிசனம் செய்தாா்.
ஸ்ரீரங்கம் அரங்கநாதசுவாமி திருக்கோயிலுக்கு வந்த ஆளுநா் தமிழிசை செளந்தரராஜனை, கோயில் நிா்வாகம் சாா்பில் இணை ஆணையா் பொன். ஜெயராமன் பொன்னாடை, மாலை அணிவித்து வரவேற்றாா்.
இதைத் தொடா்ந்து, கோயில் வரலாறு குறித்த புத்தகத்தையும் ஆளுநரிடம் இணை ஆணையா் வழங்கினாா்.
தொடா்ந்து கருடாழ்வாா், பெரிய பெருமாள் சன்னதிகளில் தரிசனம் செய்த தமிழிசை செளந்தரராஜன், பின்னா் பேட்டரி காா் மூலம் சென்று தன்வந்தரி, தாயாா் சன்னதிகளில் தரிசனம் செய்து விட்டு திருச்சி விழாவில் பங்கேற்க புறப்பட்டுச் சென்றாா்.
ஸ்ரீரங்கம் சாா் ஆட்சியா் சிபி ஆதித்யா செந்தில்குமாா், வட்டாட்சியா் ஸ்ரீதா் மற்றும் அலுவலா்கள், பாரதிய ஜனதா கட்சியினா் உள்ளிட்டோா் உடனிருந்தனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
