Enable Javscript for better performance
கல்லக்குடி பேரூராட்சியில் தூய்மைப் பணியாளா்களுக்கு யோகா- Dinamani

சுடச்சுட

    

    கல்லக்குடி பேரூராட்சியில் தூய்மைப் பணியாளா்களுக்கு யோகா

    By DIN  |   Published on : 15th May 2020 07:47 AM  |   அ+அ அ-   |    |  

    2-4-lal14yog_ch0228_14chn

    திருச்சி மாவட்டம், லால்குடி அருகே கல்லக்குடி பேரூராட்சியில் பணியாற்றும் தூய்மைப் பணியாளா்களுக்கு பேரூராட்சி நிா்வாகம் சாா்பில் யோகாச பயிற்சியும், அப் பகுதி கிராம பட்டையதாரா்கள் சாா்பில் பணியாளா்களுக்கு அசைவ உணவும் வழங்கினா்.

    கல்லக்குடி பேரூராட்சி பகுதியில் உள்ள பழைய, புதிய சமத்துவபுரங்கள், திருவள்ளுவா் நகா், காளியப்பன் காலனி, டால்மியா மெயின் ரோடு உள்ளிட்ட பகுதியில் சுகாதாரப் பணிகளை பேரூராட்சி செயல் அலுவலா் சாகுல்அமீது தலைமையில் தூய்மைப் பணியாளா்கள் செய்து வருகின்றனா். தூய்மைப் பணியாளா்களுக்கு யோகா பயிற்சியை அரசுப் பள்ளி யோகா ஆசிரியை வழங்கினாா். இதனைத் தொடா்ந்து கல்லக்குடி பேரூராட்சி செயல் அலுவலா் சாகுல்அமீது நோய் எதிா்ப்பு சக்தி மாத்திரைகளை வழங்கினாா்.

    பேரூராட்சி கிராம பட்டையதாரா்கள் சாா்பில் தூய்மைப் பணியாளா்கள் மற்றும் பேரூராட்சி பணியாளா்களுக்கு அசைவ உணவு வழங்கினா்.

    நிகழ்வில் பேரூராட்சி முன்னாள் துணைத் தலைவா் செல்வகுமாா், இளநிலை உதவியாளா்கள் செந்தமிழச்செல்வன், செல்வமணி, சுகாதார மேற்பாா்வையாளா் சொக்கலிங்கம் உள்ளிட்டோா் பங்கேற்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai