கரோனா தடுப்புப் பணியின்போது வாகனம் மோதி திருச்சியைச் சோ்ந்த கிராம நிா்வாக அலுவலா் உயிரிழந்த நிலையில், அவரது குடும்பத்துக்கு ரூ.50 லட்சம் வழங்கி முதல்வா் எடப்பாடி கே. பழனிசாமி உத்தரவிட்டுள்ளாா்.
திருச்சி மாவட்டம், சேதுராப்பட்டி அரசுப் பொறியியல் கல்லூரியில் கரோனா தடுப்பு முகாம் அமைக்கப்பட்டுள்ளது. வெளிநாடுகளிலிருந்து விமானம் மூலம் வரும் பயணிகள் பரிசோதனைக்குப் பிறகு, இங்கு தனிமைப்படுத்தப்பட்டு கண்காணிக்கப்படுகின்றனா்.
இதற்கான இங்கு வருவாய், சுகாதாரம் மற்றும் காவல்துறையினா் இணைந்து சுழற்சி முறையில் பணியாற்றி வருகின்றனா். அதன்படி இங்கு களப்பணியாற்றி விட்டு, புதன்கிழமை இரவு வீடு திரும்பிக் கொண்டிருந்த சிறுகமணி கிழக்குப் பகுதி கிராம நிா்வாக அலுவலா் ச. குமாா் (46), சென்னை-மதுரை தேசிய நெடுஞ்சாலையில் மன்னாா்புரம் பகுதியில் வாகனம் மோதி உயிரிழந்தாா்.
இதையடுத்து இவரது குடும்பத்துக்கு சிறப்பினமாக, முதல்வரின் பொது நிவாரண நிதியிலிருந்து ரூ.50 லட்சம் வழங்கி தமிழக முதல்வா் எடப்பாடி கே. பழனிசாமி வெள்ளிக்கிழமை உத்தரவிட்டுள்ளாா். இதுமட்டுமல்லாது, கிராம நிா்வாக அலுவரின் குடும்பத்தில், தகுதியின் அடிப்படையில் ஒருவருக்கு அரசு வேலை வழங்கப்படும் எனவும் முதல்வா் அறிவித்துள்ளாா்.
உயிரிழந்த கிராம நிா்வாக அலுவலா் குமாருக்கு மனைவி, 2 குழந்தைகள் உள்ளனா். உயிரிழந்த கிராம நிா்வாக அலுவலரின் இறுதிச்சடங்குக்கு ஏற்கெனவே ஆட்சியா் ரூ.25 ஆயிரம் வழங்கியிருந்தாா். கிராம நிா்வாக அலுவலா்கள் சங்கத்தின் கோரிக்கையை ஏற்று, முதல்வரும் கரோனா களப்பணி நிவாரண நிதியை வழங்கியிருப்பதற்கு சங்கத்தின் சாா்பில் நன்றி தெரிவிக்கப்பட்டுள்ளது.