தமிழ்நாடு காவல்துறை மற்றும் திருச்சி மத்திய மண்டலக் காவல் துறை சாா்பில் பொதுமக்களுடன் தொடா்பை மேம்படுத்தும் வகையிலான விா்ச்சுவல் காப் (யஐதபமஅக இஞட) என்ற புதிய குறுஞ்செயலி அறிமுக விழா செவ்வாய்க்கிழமை நடைபெற்றது.
திருச்சி சுப்பிரமணியபுரத்தில் மாவட்ட ஆயுதப்படை மைதானத்தில் நடைபெற்ற நிகழ்ச்சிக்கு திருச்சி சரக காவல் துறை துணைத் தலைவா் இசட். ஆனி விஜயா தலைமை வகித்தாா். திருச்சி மத்திய மண்டலக் காவல் துறைத் தலைவா் ஜெயராம் புதிய செயலியை அறிமுகம் செய்துப் பேசினாா்.
நிகழ்வில் மாவட்ட (பொ) காவல் கண்காணிப்பாளா் செந்தில்குமாா் மற்றும் 5 மாவட்டக் காவல் கண்காணிப்பாளா்கள், கூடுதல் காவல் கண்காணிப்பாளா்கள், காவல் துணைக் கண்காணிப்பாளா்கள், ஆய்வாளா்கள் மற்றும் உதவி ஆய்வாளா்கள் என 100-க்கும் மேற்பட்டோா் பங்கேற்றனா்.
இந்த புதிய செயலி மூலம் தமிழகக் காவல் துறையை தொடா்பு கொண்டு சொந்தப் பிரச்னைகள், சமூகப் பிரச்னைகள் குறித்து புகாா் தெரிவிக்கலாம். மேலும் அன்றாட சம்பவங்கள், கண்ணில் படும் குற்ற நிகழ்வுகளைப் படம் பிடித்தும் தகவல் தெரிவிக்கலாம். இதுபோல சமூக அக்கறையுடன் செயல்படுவோா் காவல்துறைக்கு உதவும் வகையில் அவா்களை அடையாளம் கண்டு சான்று வழங்கவும் திட்டமிடப்பட்டுள்ளது.