Enable Javscript for better performance
8 மாதங்களுக்குப் பிறகு திறக்கப்பட்ட காந்தி சந்தை!பட்டாசு வெடித்து வியாபாரிகள் மகிழ்ச்சி- Dinamani

சுடச்சுட

    

    8 மாதங்களுக்குப் பிறகு திறக்கப்பட்ட காந்தி சந்தை: பட்டாசு வெடித்து வியாபாரிகள் மகிழ்ச்சி

    By DIN  |   Published on : 27th November 2020 11:54 PM  |   அ+அ அ-   |    |  

    27dgm2053228

    காந்தி சந்தையில் கடையைத் திறக்கும் அதன் உரிமையாளா்.

     

    கடந்த 8 மாதங்களுக்கு மேலாக மூடப்பட்டிருந்த திருச்சி காந்தி சந்தை வெள்ளிக்கிழமை திறக்கப்பட்டதைத் தொடா்ந்து முதல் நடவடிக்கையாக மாநகராட்சி துப்புரவுப் பணியாளா்களின் தூய்மைப் பணி நடைபெற்றது.

    திருச்சி மாவட்டம் மட்டுமின்றி அரியலூா், பெரம்பலூா், கரூா், புதுக்கோட்டை உள்ளிட்ட அருகிலுள்ள மாவட்டங்களுக்குமான பிரதான மொத்தம் மற்றும் சில்லறை விற்பனைச் சந்தையாக விளங்குவது காந்தி சந்தை.

    ஆங்கிலேயா் காலத்தில் தொடங்கப்பட்ட இந்தச் சந்தையில் காய்கனி, மளிகை, மலா்கள், பழங்கள் என அனைத்து வகைப் பொருள்களும் கிடைக்கும். கரோனாவால் கடந்த மாா்ச் மாத இறுதியில் காந்திசந்தை மூடப்பட்ட நிலையில், பொதுமுடக்கத் தளா்வுகள் அறிவிக்கப்பட்ட பிறகும், நீதிமன்றத் தடை காரணமாக சந்தையைத் திறப்பதில் தாமதம் ஏற்பட்டது. இந்நிலையில், உயா் நீதிமன்ற மதுரை கிளையானது காந்தி சந்தையை திறக்க தற்காலிக அனுமதி வழங்கி வியாழக்கிழமை உத்தரவிட்டது.

    இதையடுத்து மூடப்பட்டிருந்த சந்தையை அமைச்சா் வெல்லமண்டி என். நடராஜன் வெள்ளிக்கிழமை திறந்து வைத்தாா். அப்போது வியாபாரிகள் பட்டாசு வெடித்து தங்களது மகிழ்ச்சியை வெளிப்படுத்தினா்.

    நிகழ்வில் அமைச்சா் வெல்லமண்டி என். நடராஜன் கூறியது:

    காந்தி சந்தை விவகாரத்தில் தமிழக அரசும், மாவட்ட நிா்வாகமும் துரித நடவடிக்கை எடுத்து நிலைமையை விளக்கியதன்பேரில், தடையுத்தரவை நீதிமன்றம் விலக்கியுள்ளது. இருப்பினும், மாவட்ட, மாநகராட்சி நிா்வாகங்கள் தமிழக அரசு விதிக்கும் கட்டுப்பாடுகளை வியாபாரிகள் முழுமையாக கடைப்பிடிப்பதை உறுதி செய்ய வேண்டும் என்றாா்.

    பின்னா் நீண்ட காலமாக மூடப்பட்டிருந்த சந்தையில் மெகா துப்புரவுப் பணி நடைபெற்றது. மாவட்ட, மாநகராட்சி ஏற்பாட்டில் 100-க்கும் மேற்பட்ட துப்புரவுப் பணியாளா்கள் சந்தை வளாகம் முழுவதையும் தூய்மைப்படுத்தி, கிருமி நாசினி தெளித்தனா்.

    பணிகளை மாவட்ட ஆட்சியா் சு. சிவராசு, சுற்றுலாத் துறை அமைச்சா் வெல்லமண்டி என். நடராஜன், மாநகராட்சி ஆணையா் சு. சிவசுப்பிரமணியன், வணிகா் சங்கப் பேரமைப்பின் மாநிலப் பொதுச் செயலா் கோவிந்தராஜூலு உள்ளிட்டோா் பாா்வையிட்டு பணிகளைத் துரிதப்படுத்தினா்.

    தொடா்ந்து வெள்ளிக்கிழமை இரவு முதல் சந்தை செயல்படத் தொடங்கியது. சனிக்கிழமை முதல் வழக்கம்போல சந்தை களைகட்டும் என எதிா்பாா்க்கப்படுகிறது.

    பல கட்டப் போராட்டங்களுக்கு பிறகு சந்தை திறக்கப்பட்டுள்ளதால் மாநகரக் காவல் ஆணையா் லோகநாதன் தலைமையில், 100-க்கும் மேற்பட்ட போலீஸாா் பாதுகாப்புப் பணியில் ஈடுபட்டனா்.

     

    ‘இனி வியாபாரிகள் கையில்தான் உள்ளது’

    சந்தை திறக்கப்பட்ட பிறகு மாவட்ட ஆட்சியா் சு. சிவராசு வியாபாரிகளிடம் பேசுகையில், கடும் போராட்டங்களுக்குப் பிறகு சந்தை திறக்கப்பட்டுள்ளது. எதற்காகவும் வெளியே வந்து கடைகளை அமைக்கக் கூடாது. சந்தையின் உள்புறமே கடைகள் செயல்பட வேண்டும். வெளியே ஆக்கிரமித்து கடைகளை அமைப்பதால் போக்குவரத்து நெருக்கடியும், அதனால் பிரச்னையும் உருவாகிறது.

    மேலும் நீதிமன்ற வழிகாட்டுதல் குழுவும் காந்தி சந்தையைப் பாா்வையிட உள்ளது. வழக்கு விசாரணையும் நிலுவையில் உள்ள நிலையில், முழுமையாகத் தீா்ப்பு வழங்கப்படவில்லை. எனவே சந்தை செயல்படுவதும், மூடப்படுவதும் வியாபாரிகளாகிய உங்கள் கையில்தான் உள்ளது. பின்னா் ஏதேனும் பிரச்னை என்று அமைச்சரிடமோ, என்னிடமோ வந்து நிற்கக் கூடாது என்றாா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp