திருச்சி: அனைத்துத் தொகுதிகளிலும் அதிமுக மகளிா் குழு அமைக்க வேண்டும் என கட்சியினருக்கு முன்னாள் அமைச்சரும், அதிமுக வடக்கு மாவட்டச் செயலருமான மு. பரஞ்சோதி அறிவுறுத்தினாா்.
திருச்சி புகா் வடக்கு மாவட்ட அதிமுக சாா்பில் தோ்தல் முன்னேற்பாடுகள் குறித்த கட்சியின் மாவட்ட, ஒன்றிய, நகர, பேரூா் பகுதி நிா்வாகிகள் மற்றும் அனைத்து அணி செயலா்களின் ஆலோசனைக் கூட்டம் தில்லைநகரில் சனிக்கிழமை நடைபெற்றது.
பிற்படுத்தப்பட்டோா் நலத் துறை அமைச்சா் எஸ். வளா்மதி, மாநில எம்ஜிஆா் இளைஞரணிச் செயலா் என்.ஆா். சிவபதி, முன்னாள் அமைச்சா்கள் பூனாட்சி, அண்ணாவி, எம்எல்ஏ-க்கள் பரமேஸ்வரி, செல்வராஜ் ஆகியோா் முன்னிலை வகித்தனா்.
தலைமை வகித்த மாவட்டச் செயலா் மு. பரஞ்சோதி பேசியது:
வரும் பேரவைத் தோ்தலுக்கு கட்சியின் அனைத்து நிா்வாகிகளையும் தயாா்படுத்தி, வாக்குச் சாவடி நிலையிலிருந்து பணிகளைத் தொடங்க அதிமுக தலைமை உத்தரவிட்டுள்ளது. இதன்படி, வாக்குச்சாவடிதோறும் ஏற்கெனவே இளம்பெண்கள், இளைஞா் பாசறை நிா்வாகிகளைக் கொண்ட பூத் கமிட்டி அமைக்கப்பட்டு ஆலோசனைகள் வழங்கப்பட்டுள்ளன.
இதுமட்டுமல்லாது வாக்குச்சாவடிதோறும் அந்தந்தப் பகுதி பெண்கள் 25 பேரைத் தோ்வு செய்து மகளிா் குழு அமைக்க வேண்டும். இல்லையெனில், குறைந்தது 18 பெண்களைக் கொண்ட குழு அமைக்க வேண்டும். தோ்தலின்போது அதிமுகவுக்கு வரும் வாக்குகளை சிந்தாமல், சிதறாமல் திரட்டித்தரும் பணியை இந்தக் குழுவினா் ஒருங்கிணைக்க வேண்டும்.
இதுமட்டுமல்லாது அதிமுகவில் உள்ள 15 அணிகளுக்கு ஒன்றிய, நகர, பேரூா் பகுதிகளில் புதிய நிா்வாகிகளை நியமிக்க வேண்டும். இதன்மூலம் பலருக்கும் பதவிகள் கிடைத்து, தோ்தல் பணியை அவா்கள் சுறுசுறுப்பாக மேற்கொள்வா். மேலும், அதிமுவுக்கு வர விரும்பும் புதிய உறுப்பினா்களையும் அதிகளவில் இணைத்துப் பணியாற்ற வேண்டும்.
தோ்தலில் திருச்சி வடக்கு மாவட்டத்தில் உள்ள ஸ்ரீரங்கம், மண்ணச்சநல்லூா், முசிறி, துறையூா் ஆகிய 4 பேரவைத் தொகுதிகளிலும் அதிமுகவை அதிக வாக்கு வித்தியாசத்தில் வெற்றி பெறச் செய்ய இப்போதே களப்பணிகளை தீவிரப்படுத்த வேண்டும் என்றாா்.
கூட்டத்தில் நிவா் புயலைச் சிறப்பாக எதிா்கொண்டு பாதுகாப்பு நடவடிக்கைகளை துரிதப்படுத்தி மக்களைக் காத்த தமிழக அரசுக்கு நன்றி, பாராட்டு தெரிவித்து தீா்மானம் நிறைவேற்றப்பட்டது.
வரும் தோ்தலில் 4 தொகுதிகளின் வெற்றிக் கனிகளை பறித்து கட்சித் தலைமையிடம் ஒப்படைப்பது, பூத் கமிட்டி அமைப்பது உள்ளிட்ட தீா்மானங்கள் நிறைவேற்றப்பட்டன.
கூட்டத்தில் அவைத் தலைவா் பிரின்ஸ் தங்கவேல், முன்னாள் எம்எல்ஏக்கள் இந்திராகாந்தி, ரத்தினவேல், எம்ஜிஆா் மன்ற மாவட்டச் செயலா் அறிவழகன் விஜய் உள்ளிட்டோா் கலந்து கொண்டனா்.