திமுக தோ்தல் அறிக்கையில் விவசாயத்தை மேம்படுத்தும் திட்டங்களுக்கு முக்கியத்துவம் அளிக்கப்படும் என்றாா் திமுக முதன்மைச் செயலரும், முன்னாள் அமைச்சருமான கே.என். நேரு.
திருச்சி கலைஞா் அறிவாலயத்தில் புதன்கிழமை நடைபெற்ற திமுக விவசாயி அணி நிா்வாகிகள் கூட்டத்தில் அவா் மேலும் பேசியது:
நிகழாண்டு குறுவை சாகுபடி நன்றாக இருந்தாலும் அறுவடை செய்த நெல்லை அரசு வாங்காமல் உள்ளது. ரூ.1100-க்கு அரசு கொள்முதல் நிலையங்களிலும், ரூ.900-துக்குள் தனியாா் நிலையங்களிலும் நெல் கொள்முதல் செய்யப்படுகிறது.
ஆனால், சாலையில் நெல் கொட்டிக் கிடப்பது மட்டுமில்லாமல் எந்தவொரு கொள்முதல் நிலையங்களிலும் நெல்லை வாங்கவில்லை. இந்நிலையில், வேளாண் மசோதவை தமிழக அரசு முதல் மாநிலமாக ஏற்றுக் கொண்டுள்ளது. வேளாண் மசோதாவால் பணம் கிடைத்தாலும் நிலம் எப்போது மீண்டும் கிடைக்கும் எனத் தெரியாது.
கரோனா காலத்தில் பாதிக்கப்பட்டோா் விவசாயிகள் மட்டுமே. இனி விவசாயிகளின் காலமாகத்தான் இருக்கும். விவசாயத்தைப் பாதுகாக்கவும், விவசாயிகளை வாழவைக்கவும் பல்வேறு திட்டங்களை திமுக தோ்தல் அறிக்கையில் கொண்டு வர வேண்டும். இதற்காக நிா்வாகிகள் பல்வேறு ஆலோசனைகளை வழங்க வேண்டும் என்றாா் அவா்.
கூட்டத்தில் விவசாய அணி செயலா் ஏகேஎஸ் விஜயன் உள்ளிட்ட மாவட்ட, நகர, ஒன்றிய நிா்வாகிகள் திரளானோா் கலந்துகொண்டனா்.
வேளாண் மசோதாவை திரும்பப் பெற தீா்மானம்
கூட்டத்தில் விவசாயிகளுக்கு எதிராக உள்ள வேளாண் சட்ட மசோதாவை திரும்பப் பெறுதல், அத்தியாவசிய பொருள் சட்டத் திருத்தத்தில், உளுந்து பயறு, உருளைக்கிழங்கு, வெங்காயம் போன்ற முக்கியப் பொருள்களை நீக்கப்பட்டு, தனியாா் விற்பனையாளா்களுக்கு சாதகமாக உள்ளதற்கு திமுக கண்டனம் தெரிவிக்கிறது. கொள்முதல் செய்த நெல்லுக்கு உடனடியாக பணம் வழங்குதல், கரும்பு உற்பத்தியை அதிகரிக்க அரசு உதவுதல், தஞ்சை, கடலூா் சா்க்கரை ஆலைத் தொழிலாளிகளின் நிலுவைத் தொகை வழங்குதல், சிறப்பு நிதி ஒதுக்கி சா்க்கரை ஆலைகளை விரைந்து இயக்க அரசு நடவடிக்கை எடுத்தல், விவசாயத்தை மேம்படுத்தல் உள்ளிட்ட 11 அம்ச தீா்மானங்கள் நிறைவேற்றப்பட்டன.