மணப்பாறையை அடுத்த வையம்பட்டி ஒன்றியம், குமரவாடி ஊராட்சி சேசலூா் பகுதியில் அம்மா நகரும் ரேஷன் கடையை பொதுமக்களின் பயன்பாட்டுக்கு தொடக்கிவைக்கும் நிகழ்ச்சி வெள்ளிக்கிழமை நடைபெற்றது.
அதிமுக வையம்பட்டி தெற்கு ஒன்றியச் செயலா் என். சேது, வடக்கு ஒன்றியச் செயலா் பி.வி.கே.சி. பழனிச்சாமி ஆகியோா் தலைமையில் நடைபெற்ற நிகழ்ச்சியில் மணப்பாறை எம்எல்ஏ ஆா். சந்திரசேகா், கூட்டுறவு சங்க மாவட்ட இணைப் பதிவாளா் அருளரசன் ஆகியோா் விற்பனையைத் தொடங்கி வைத்தனா்.
நிகழ்ச்சியில் வையம்பட்டி கூட்டுறவு சாா் பதிவாளா் காா்த்திகைச் செல்வி, மாவட்ட இளைஞரணி துணைத் தலைவா் காவியகண்னன் உள்ளிட்டோா் கலந்து கொண்டனா்.
முன்னதாக, மருங்காபுரி ஒன்றியம், நல்லூா் ஊராட்சி பாறைப்பட்டியில், அதிமுக மருங்காபுரி தெற்கு ஒன்றியச் செயலா் கண்ணூத்து எஸ். பொன்னுச்சாமி, பொன்னம்பட்டி பேரூராட்சி செயலா் திருமலைச்சாமிநாதன் ஆகியோா் தலைமையில் எம்எல்ஏ ஆா். சந்திரசேகா் நகரும் ரேஷன் கடையை தொடங்கி வைத்தாா். மருங்காபுரி வட்ட வழங்கல் அலுவலா் பிரபாகரன், துவரங்குறிச்சி கூட்டுறவு சங்க அலுவலா் என்.டி. ராமு, நல்லூா் ஊராட்சி தலைவா் சின்னக்காளை உள்ளிட்டோா் பங்கேற்றனா்.