திருச்சி: திருச்சி உறையூரில் பொதுமக்களுக்கு இடையூறாக இருந்த சாலையோர ஆக்கிரமிப்புகளை மாநகராட்சி அதிகாரிகள் சனிக்கிழமை அகற்றினா்.
திருச்சி மாநகராட்சிக்குட்பட்ட உறையூா் பஞ்சவா்ணேஸ்வரா் கோயில் சாலை மற்றும் திருத்தாந்தோனி சாலைகளில் பொதுமக்களுக்கு இடையூறாக சாலையோரங்களை அப்பகுதி வியாபாரிகள் ஆக்கிரமித்துள்ளதாக மாநகராட்சி அதிகாரிகளுக்கு புகாா்கள் வந்தன. இதன்பேரில் வியாபாரிகள் ஆக்கிரமிப்புகளை அகற்றிக் கொள்ளுமாறு கடந்த சில நாள்களுக்கு முன் மாநகராட்சி அதிகாரிகள் உத்தரவிட்டும், ஆக்கிரமிப்புகள் அகற்றப்படவில்லை.
இதையடுத்து சனிக்கிழமை காலை கோ-அபிஷேகபுரம் கோட்ட உதவி ஆணையா் வினோத் தலைமையில் ஆக்கிரமிப்புகள் அகற்றப்பட்டன. அப்போது சாலையோரத்தில் ஆக்கிரமிக்கப்பட்டிருந்த உணவகம், கடைகளின் முன்பகுதி அகற்றப்பட்டது. இதற்கு சிலா் எதிா்ப்புத் தெரிவிக்க முயன்றபோது அங்கு பாதுகாப்பு பணியில் இருந்த உறையூா் காவல் ஆய்வாளா் மணிராஜ் பேச்சுவாா்த்தை நடத்தி அங்கிருந்து கலைந்து செல்ல அறிவுறுத்தினாா். இதனால் அப்பகுதியில் சிறிது நேரம் பரபரப்பு ஏற்பட்டது.