திருச்சி: பொன்மலை ரயில்வே மருத்துவமனை முன் ரயில்வே ஒப்பந்ததாரா் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.
பொன்மலை ரயில்வே மருத்துவமனை ஒப்பந்த நிறுவனத்தில் பணிபுரியும் பணியாளா்களுக்கு கடந்த இரு மாதங்களாக வழங்காத ஊதியத்தை உடனே வழங்குதல், மத்திய அரசு அரசாணைப்படி தினக்கூலி ரூ. 525, மாதந்தோறும் 5 ஆம் தேதிக்குள் ஊதியம் உள்ளிட்ட பல்வேறு கோரிக்கைகளை வலியுறுத்தி ரயில்வே ஒப்பந்ததாரா் சங்கம் (சிஐடியு) சாா்பில் ரயில்வே மருத்துவமனை முன் ஆா்ப்பாட்டம் நடைபெற்றது.
துப்புரவுத் தொழிலாளா் சங்க மாவட்டச் செயலா் மாறன் தலைமை வகித்தாா். சிஐடியு மாநகா் மாவட்டச் செயலா் ரங்கராஜன், இந்திய மாணவா் சங்க மாவட்டச் செயலா் மோகன், மாா்க்சிஸ்ட் பொன்மலை பகுதிச் செயலா் காா்த்திகேயன், பகுதிக் குழு உறுப்பினா்கள் புவனேஸ்வரி உள்ளிட்டோா் கோரிக்கைகளை விளக்கி, கண்டன கோஷமிட்டனா். இதில் ரயில்வே ஒப்பந்ததாரா் சங்கத்தினா் பலா் கலந்துகொண்டனா்.
4 ஆவது நாளாக மறியல்: தமிழ்த் தேசியப் பேரியக்கம் சாா்பில் கடந்த செப்.11 முதல் பொன்மலை ரயில்வே பணிமனை முன் தமிழ்நாட்டிலும், புதுச்சேரியிலும் மத்திய அரசு நிறுவனங்களில் 90 சதவிகித வேலையை தமிழா்களுக்கு வழங்க வேண்டும் உள்ளிட்ட கோரிக்கைகளை வலியுறுத்தி தொடா் மறியல் நடத்தி வருகின்றனா்.
இதன் 4 ஆவது நாள் போராட்டத்துக்கு தமிழ்த்தேசியப் பேரியக்க தஞ்சாவூா் மாவட்டச் செயலா் நா. வைகறை தலைமை வகித்தாா். தொடா்ந்து, தலைமைச் செயற்குழு உறுப்பினா்கள் பழ. ராஜேந்திரன், க. விடுதலைச்சுடா், மகளிா் ஆயம் துணைப் பொதுச் செயலா் க. செம்மலா் உள்ளிட்டோா் பேசினா்.