திருச்சி தெற்கு மாவட்ட செயலாளர் ப.குமார் முகாமை துவக்கி வைத்தனர்.
மணப்பாறையில், நகராட்சிக்குட்பட்ட 6,13 மற்றும் 24-வது வார்டுகளில் இளைஞர், இளம்பெண்கள் பாசறை உறுப்பினர் சேர்க்கை முகாம் ஆங்காங்கே அமைக்கப்பட்டிருந்த விழா மேடைகளில் ஞாயிற்றுக்கிழமை நடைபெற்றது. திருச்சி மாவட்டம், மணப்பாறை அதிமுக நகர செயலாளர் பவுன்.ராமமூர்த்தி தலைமையில் நடைபெற்ற நிகழ்ச்சியில், ஏ.டி.ஏஸ்.ராமசந்திரன், பத்தி பாஸ்கர், இளையநிலா செல்வம் ஆகியோர் முன்னிலையில் வகித்தனர்.
நிகழ்ச்சியில் சிறப்பு அழைப்பாளராக கலந்துகொண்ட முன்னாள் நாடாளுமன்ற உறுப்பினரும், திருச்சி தெற்கு மாவட்ட செயலாளருமான ப.குமார், சட்டப்பேரவை உறுப்பினர் ஆர்.சந்திரசேகர், மாவட்ட இளைஞர், இளம்பெண்கள் பாசறை செயலாளர் வி.டி.எம்.அருண்நேரு ஆகியோர் முகாமை துவக்கி வைத்தனர். அந்தந்த வார்டுகளில் உள்ள 3 பூத்களுக்கு தலா 25 பேர் என்றும் அதில் 15 பேர் நிர்வாகிகளாகவும் இளைஞர், இளம்பெண்கள் பாசறைக்கு தேர்வு செய்யப்பட்டனர்.
அவர்களுக்கு இளைஞர், இளம்பெண்கள் பாசறையின் புதிய உறுப்பினர் சேர்க்கைக்கான படிவங்கள் வழங்கப்பட்டது. நிகழ்ச்சிக்கு வந்திருந்த மாவட்ட செயலாளர் மற்றும் சட்டப்பேரவை உறுப்பினருக்கு மாரியம்மன் கோயில் பகுதியிலிருந்து நிகழ்ச்சி மேடை வரை சுமார் 100-க்கும் மேற்பட்ட கட்சி தொண்டர் இருச்சக்கர வாகனத்தில் பேரணியாக முன் சென்று வரவேற்பு அளித்தனர். முகாமில் மாற்று கட்சியிலிருந்து தொண்டர் அதிமுகவில் தங்களை இணைத்து கொண்டனர்.