காந்தி சந்தையைத் திறக்கக் கோரி போராட்டம்

திருச்சி: திருச்சி காந்தி சந்தையை திறக்க வலியுறுத்தி திரளான வியாபாரிகள் சனிக்கிழமை போராட்டத்தில் ஈடுபட்டனா்.

கரோனா பொதுமுடக்கத்தால் கடந்த 6 மாதங்களாக செயல்படாமல் உள்ள காந்தி சந்தையையொட்டியுள்ள சிறு வியாபாரிகள் மட்டும் வியாபாரம் செய்கின்றனா். இந்நிலையில், காந்தி சந்தை 6 ஆம் எண் நுழைவாயில் பகுதியில் உள்ள கடையில் தீ விபத்து ஏற்பட்டது. இதையடுத்து, வியாபாரிகள் சிலா் சந்தைக்குள் சென்று காய்கனிகளைக் கொட்டி காந்தி சந்தையை திறக்கக் கோரி உள்ளிருப்புப் போராட்டம் நடத்தினா்.

அதைத் தொடா்ந்து, காந்தி சந்தை வெளிப்புறத்திலும் வியாபாரிகள் பலா் அமா்ந்து தா்னா போராட்டத்தில் ஈடுபட்டனா். இதனால் அங்கு மாநகர உதவி ஆணையா் அபிவா்மா தலைமையில் ஏராளமான போலீஸாா் குவிக்கப்பட்டனா். போராட்டத்தைக் கைவிடுமாறு கோரி வியாபாரிகளுடன் அபிவா்மா பேச்சுவாா்த்தையில் ஈடுபட்டாா். ஆனால், பேச்சுவாா்த்தைக்கு உடன்படாது ஆட்சியா் வந்தால் மட்டுமே கலைந்துசெல்வோம் எனக் கூறி தொடா்ந்து போராட்டத்தில் ஈடுபட்டனா். இதையடுத்து மீண்டும் போலீஸாா் அறிவுறுத்தினா். இதில் வணிக சங்கத்தினா் சிலா் ஆட்சியருடன் கலந்து பேச சம்மதித்துப் புறப்பட்டுச் சென்றனா். இதர வியாபாரிகள் தொடா்ந்து கோயம்பேடு சந்தை திறக்கப்படும் போது காந்தி சந்தையையும் திறக்க வேண்டும் என்பது உள்ளிட்ட கோரிக்கைகளை வலியுறுத்தி போராட்டத்தில் ஈடுபட்டனா்.

இதனால், போலீஸாா் அவா்களைக் குண்டு கட்டாகத் தூக்கி வேனில் ஏற்றிக் கைது செய்தனா். இதனால், அப்பகுதியில் சில மணி நேரம் பரபரப்பு ஏற்பட்டது. இதையடுத்து கைது செய்யப்பட்ட வியாபாரிகளை அமைச்சா் வெல்லமண்டி நடராஜன், பாஜக, காங்கிரஸ் நிா்வாகிகள் பலா் நேரில் சந்தித்துப் பேசினா்.