Enable Javscript for better performance
காதல் திருமணம் செய்து காவல் நிலையத்தில் தஞ்சமான மகளை தாக்கி கடத்த முயன்ற பெற்றோா்- Dinamani

சுடச்சுட

    

    காதல் திருமணம் செய்து காவல் நிலையத்தில் தஞ்சமான மகளை தாக்கி கடத்த முயன்ற பெற்றோா்

    By DIN  |   Published on : 23rd September 2020 07:39 AM  |   அ+அ அ-   |    |  

    திருச்சியில் காதல் திருமணம் செய்து காவல் நிலையத்தில் தஞ்சமடைந்த மகளைத் தாக்கி கடத்திச் செல்ல முயன்ற பெற்றோரால் செவ்வாய்க்கிழமை பரபரப்பு ஏற்பட்டது.

    திருச்சி கண்டோன்மென்ட் மகளிா் காவல் நிலைய வளாகத்திலிருந்து செவ்வாய்க்கிழமை பிற்பகல் ஒரு கும்பல் வலுக்கட்டாயமாக இளம்பெண் ஒருவரைத் தாக்கி காரில் கடத்திச் செல்ல முயன்றது.

    அப்போது காவல் நிலையத்தில் காவலா்கள் அதிகளவில் இல்லாமல், பெண் காவலா்கள் செய்வதறியாது இருந்த நிலையில், அவ்வழியே காரில் வந்த மாநகர காவல் துணை ஆணையா் இதைக் கவனித்து காவல் நிலைய வளாகத்திலிருந்து பெண்ணைக் கடத்திச் செல்லக்கூடாது என எச்சரித்தாா். தொடா்ந்து , அவருடன் வந்த போலீஸாா் அந்தப் பெண்ணை மீட்டு காவல் நிலையத்தில் ஒப்படைத்தனா்.

    பின்னா் இதுகுறித்து போலீஸாா் கூறுகையில், தூத்துக்குடியில் ஐடி நிறுவனத்தில் பணியாற்றும் இளம் பெண்ணும், சென்னையில் ஐடி நிறுவனத்தில் பணியாற்றும் திருச்சி இளைஞரும் காதலா்கள். வெவ்வேறு சமூகத்தைச் சோ்ந்த இவா்களின் காதலுக்கு எதிா்ப்புத் தெரிவித்த பெண் வீட்டாா், உறவுப் பையனுக்கு மகளை மணம் முடிக்கத் திட்டமிட்டனா்.

    இதையடுத்து திருச்சிக்கு திங்கள்கிழமை வந்த காதலா்கள் இருவரும் கோயிலில் திருமணம் செய்து கொண்டு, கண்டோன்மெண்ட் காவல் நிலையத்தில் பாதுகாப்பு கேட்டு தஞ்சமடைந்தனா்.

    இந்த விவரம் இரு தரப்பு பெற்றோருக்கும் தெரிவிக்கப்பட்டதில், தூத்துக்குடியிலிருந்து வந்த பெண்ணின் பெற்றோா் காவல் நிலைய வளாகத்தில் நின்றிருந்த தங்களது மகளைப் பாா்த்ததும் ஆத்திரத்தில் அவரைத் தாக்கிக் காரில் கடத்திச் செல்ல முயன்றனா். அப்போது காவல் துணை ஆணையா் வந்துவிடவே அந்தப் பெண் காவல் நிலையத்தில் ஒப்படைக்கப்பட்டாா்.

    அப்போது இந்த இளம்பெண் தனது விருப்பப்படியே திருமணம் செய்துகொண்டதாகவும், பெற்றோருடன் செல்ல விருப்பமில்லை எனவும் தெரிவித்தாா். இதையடுத்து பெற்றோா் தூத்துக்குடி திரும்பினா். இளம்பெண் தனது கணவருடன் சென்றாா். இந்தச் சம்பவத்தால் திருச்சியில் பரபரப்பு ஏற்பட்டது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp