இளைஞா் பெருமன்றத்தினா் அரை நிா்வாணப் போராட்டம்

பல்வேறு கோரிக்கைகளை வலியுறுத்தி, திருச்சியில் அனைத்திந்திய இளைஞா் பெருமன்றத்தினா் செவ்வாய்க்கிழமை அரை நிா்வாணப் போராட்டத்தில் ஈடுபட்டனா்.

மாநிலத்தில் கட்டுமான, சிறு, குறுத் தொழில் நிறுவனங்களில் தமிழக இளைஞா்களுக்கு வேலை வழங்குவதில் முன்னுரிமை வழங்க வேண்டும். தமிழக, மத்திய அரசுப் பணிகளில் தமிழக இளைஞா்களுக்கே வேலைவாய்ப்பு வழங்க வேண்டும்.

தமிழ்நாடு அரசுப் பணியாளா் தோ்வாணையம் நடத்தும் தோ்வுகளில் வெளி மாநிலத்தவரும் பங்கேற்கலாம் என்ற அரசாணையை ரத்து செய்ய வேண்டும் என்பன உள்ளிட்ட கோரிக்கைகளை வலியுறுத்தி, மாவட்ட ஆட்சியரகச் சாலையில் செவ்வாய்க்கிழமை போராட்டம் நடத்தப்பட்டது.

இந்த போராட்டத்துக்கு இளைஞா் பெருமன்றத்தின் மாவட்டச் செயலா் செல்வகுமாா் தலைமை வகித்தாா். ஏஐடியுசி மாவட்டப் பொதுச் செயலா் க.சுரேஷ், இளைஞா் பெருமன்ற மாவட்டத் தலைவா் எஸ்.சூா்யா உள்ளிட்டோா் முன்னிலை வகித்தனா்.

தொடா்ந்து கோரிக்கைகளை வலியுறுத்தி போராட்டத்தில் பங்கேற்றவா்கள் முழக்கங்களை எழுப்பினா்.