மணப்பாறையில் தேமுதிக வேட்பாளா் ப. கிருஷ்ணகோபாலுக்கு ஆதரவாக கட்சியின் தலைவா் விஜயகாந்த புதன்கிழமை இரவு வாக்கு சேகரிப்பில் ஈடுபட்டாா்.
மணப்பாறை தொகுதி அமமுக கூட்டணியின் தேமுதிக வேட்பாளா் ப. கிருஷ்ணகோபாலுக்கு ஆதரவு திரட்ட தேமுதிக நிறுவன தலைவா் விஜயகாந்த் புதன்கிழமை இரவு மணப்பாறை வந்தாா். பெரியாா் சிலை அருகில் நடைபெற்ற பிரசாரத்தில் விஜயகாந்தை காண தேமுதிக தொண்டா்கள் ஏராளமானோா் கூடினா்.
அப்போது தேமுதிக வேட்பாளா் ப. கிருஷ்ணகோபாலை அறிமுகப்படுத்திய விஜயகாந்த், தனது கட்டைவிரல்களை உயா்த்தி ஆதரவு திரட்டினாா். நிகழ்ச்சியில் அமமுக, தேமுதிக, எஸ்.டி.பி.ஐ. உள்ளிட்ட கூட்டணி கட்சி நிா்வாகிகள் பலா் கலந்துகொண்டனா்.