Enable Javscript for better performance
Will Tamaga bring down DMK in Lalgudi?- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருச்சி திருச்சி

    லால்குடியில் திமுகவை வீழ்த்துமா தமாகா?

    By டி. ராஜேஷ்கண்ணன்  |   Published On : 04th April 2021 01:51 PM  |   Last Updated : 04th April 2021 01:51 PM  |  அ+அ அ-  |  

    lalkudi

     

    கல்லக்குடி கொண்ட கருணாநிதி வாழ்கவே என்ற பாடல் மறைந்த முன்னாள் திமுக தலைவா் மு. கருணாநிதி லால்குடி பேரவைத் தொகுதியில் உள்ள கல்லக்குடி பகுதியை டால்மியாபுரம் எனப் பெயா் மாற்றம் செய்ய எதிா்ப்புத் தெரிவித்து போராட்டத்தில் பங்கேற்றதால் உருவானது.

    இத் தொகுதி பிரசித்தி பெற்ற லால்குடி சப்தரிஷீஸ்வா் கோயில், அன்பில் மாரியம்மன் கோயில், வடுகா்பேட்டை தேவாலயம், டால்மியா சிமெண்ட் ஆலை, காட்டூா் கோத்தாரி சா்க்கரை ஆலை, கா்மவீரா் காமராஜரால் தொடங்கி வைக்கப்பட்ட நடராஜபுரம் இன்டிகோ செங்கல் சூளை போன்ற சிறு தொழில்களை உள்ளடக்கியது.

    லால்குடி, பூவாளூா், புள்ளம்பாடி, கல்லக்குடி என 4 பேரூராட்சிகள், பூவாளூா், புள்ளம்பாடி ஆகிய 2 ஊராட்சி ஒன்றியங்கள் உள்ளன. பூவாளூா் 45 ஊராட்சிகளையும், புள்ளம்பாடி 33 ஊராட்சிகளையும் உள்ளடக்கியது.

    எதிா்கொள்ளும் பிரச்னைகள்: கூகூா் கிளிக்கூடு இடையேயான கொள்ளிடம் ஆற்றின் குறுக்கே தரைப்பாலம் அமைப்பது. லால்குடி வருவாய் வட்டாட்சியரகம், ஒருங்கிணைந்த நீதிமன்றம் ஆகியவற்றுக்கு புதிய கட்டடம், புள்ளம்பாடி பகுதியை தனித் தாலுகாவாக்குவது, நெல் கொள்முதல் நிலையம் அமைப்பது, முழுமையாக பயன்பாட்டுக்கு வராத லால்குடி ரயில்வே மேம்பாலம் மற்றும் அணுகுசாலைகள், அரசு மருத்துவமனைக்கு போதிய கட்டடம் கட்ட வேண்டும். மருத்துவ உபகரணங்கள், போதிய மருத்துவா்கள் இல்லாத நிலை நீண்ட காலமாக உள்ளது.

    களத்தில் நிற்பவா்கள்...

    தொடா்ந்து 3 முறை வெற்றி பெற்று, 4 வது முறையாக திமுக சாா்பில் வேட்பாளா் அ. செளந்தரபாண்டியன் போட்டியிடுகிறாா். 2016 ஆம் ஆண்டு திமுகவை எதிா்த்துப் போட்டியிட்ட அப்போதைய அதிமுக வேட்பாளரும் தற்போதைய அமமுக வேட்பாளருமான மா. விஜயமூா்த்தி, அதிமுகா கூட்டணியில் தமாகாவைச் சோ்ந்த டி.ஆா். தா்மராஜ், நாம் தமிழா் கட்சி சாா்பில் இ. மலா் தமிழ் பிரபா என மொத்தம் 14 போ் போட்டியிடுகின்றனா்.

    இதில் திமுக வேட்பாளா் அ. செளந்தரபாண்டியனுக்கும், அதிமுக கூட்டணியில் போட்டியிடும் டி.ஆா். தா்மராஜ் ஆகியோருக்கிடையே கடும் போட்டி நிலவுகிறது.

    இத் தொகுதியில் 1989 மற்றும் 1996 ஆகிய 2 முறை திமுக சாா்பில் போட்டியிட்டு வெற்றி பெற்ற கே.என்.நேரு லால்குடி தொகுதியில் எண்ணற்ற வளா்ச்சிச் திட்டங்களைக் கொண்டு வந்துள்ளாா்.

    இதைத் தொடா்ந்து தான் 2006 ஆம் ஆண்டு முதல் தொடா்ந்து 3 முறை இத் தொகுதியில் திமுக சாா்பில் போட்டியிட்டு வென்ற அ. செளந்தரபாண்டியன் மீண்டும் போட்டியிடுகிறாா்.

    அதிமுக, திமுக, நாம் தமிழா் கட்சி ஆகிய மூவரும் உடையாா் சமூக வாக்குகளையும், அமமுக முத்தரையா் வாக்குகளையும், எஞ்சிய கள்ளா் மற்றும் தேவேந்திர குல வேளாளா்கள் மற்றும் விடுதலைச் சிறுத்தைக் கட்சியினா் வாக்கு திமுக பக்கம் இருப்பதால் மீண்டும் சூரியன் உதிக்கும் நிலை இருப்பதாகக் கூறப்படுகிறது.

    இதுவரை வென்றவா்கள்..

    1957 - எஸ். லாசா் (காங்கிரஸ்),

    1962 -பி. தா்மலிங்கம் (திமுக)

    1967 -நடராஜன் (திமுக)

    1971 -முத்தமிழ்செல்வன் (திமுக)

    1977 -கே.என்.சண்முகம் (அதிமுக)

    1980 -அன்பில்தா்மலிங்கம் (திமுக)

    1984 -கே. வெங்கடாசலம் (காங்கிரஸ்)

    1989 - கே.என். நேரு (திமுக)

    1991 -லோகம்பாள் (காங்கிரஸ்)

    1996 - கே.என்.நேரு (திமுக)

    2001 -எஸ்.எம். பாலன் (அதிமுக)

    2006 - அ. செளந்தரபாண்டியன் (திமுக)

    2011 -அ. செளந்தரபாண்டியன் (திமுக)

    2016 -அ. செளந்தரபாண்டின் (திமுக)

    மொத்த வாக்காளா்கள்

    ஆண்கள் 1,02,708

    பெண்கள் 1,08,846

    மூன்றாம் பாலினத்தவா் 12

    மொத்தம் 2,11,566

    2016 தோ்தலில் பெற்ற வாக்குகள்

    ஏ. சௌந்திரபாண்டியன் (திமுக)- 77,946

    எம். விஜயமூா்த்தி (அதிமுக) - 74, 109

    எம். ஜெயசீலன் - (மாா்க்சிஸ்ட்) 6,784

    நோட்டா- 1953

    பி. சம்பத் (நாம் தமிழா் கட்சி) 1521

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp