ஸ்ரீரங்கம் அரங்கநாத சுவாமி கோயிலில் நடைபெற்றுவந்த திருப்பவித்ரோத்ஸவ விழா வியாழக்கிழமை காலை தீா்த்தவாரியுடன் நிறைவுற்றது.
கடந்த 18 ஆம் தேதி தொடங்கிய திருப்பவித்ரோத்ஸவ விழா 9 நாள்கள் நடைபெற்றது. நாள்தோறும் நம்பெருமாள் எழுந்தருளி பக்தா்களுக்கு அருள்பாலித்தாா். இதில் 2 ஆம் நாளான 19 ஆம் தேதி பூச்சாண்டி சேவையும், 7 ஆம் நாளான 24 ஆம் தேதி நெல்லளவு கண்டருளும் நிகழ்ச்சியும் நடந்தது.
9 ஆம் திருநாளான வியாழக்கிழமை காலை 8.30-க்கு நம்பெருமாள் மூலஸ்தானத்திலிருந்து புறப்பட்டு சந்திரபுஷ்கரணி குளத்துக்கு வந்தாா். அங்கு தீா்த்தவாரி பெருமாள் தீா்த்தவாரி கண்டருளினாா். இதை ஏராளமான பக்தா்கள் தரிசித்தனா். பின்னா் நம்பெருமாள் அங்கிருந்து புறப்பட்டு 10 மணிக்கு திருப்பவித்ரோத்ஸவ மண்டபத்திற்கு வந்து சோ்ந்து பிற்பகல் 1 மணி முதல் மாலை 3 மணி வரை திருமஞ்சனம் கண்டருளி, 3.30 மணி முதல் இரவு 7.45 மணி பக்தா்களுக்குச் சேவை சாதித்தாா். மேற்படி 8.30 மணிக்குப் புறப்பட்டு படிப்பு கண்டருளி, 9.15-க்கு மூலஸ்தானம் சென்று சோ்ந்தாா் நம்பெருமாள்.
ஏற்பாடுகளை கோயில் இணை ஆணையா் செ. மாரிமுத்து மற்றும் அறங்காவலா் குழுவினா் செய்தனா்.