Enable Javscript for better performance
அனைத்துத் துறைகளிலும் தமிழகம் சிறந்து விளங்கும்: முதல்வா்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருச்சி திருச்சி

    அனைத்துத் துறைகளிலும் தமிழகம் சிறந்து விளங்கும்: முதல்வா்

    By DIN  |   Published On : 31st December 2021 03:36 AM  |   Last Updated : 31st December 2021 03:36 AM  |  அ+அ அ-  |  

    30dsta10_3012chn_4

    2022 ஆம் ஆண்டில் அனைத்துத் துறைகளிலும் தமிழகம் சிறந்து விளங்கும் என உறுதியளித்தாா் தமிழக முதல்வா் மு.க. ஸ்டாலின்.

    திருச்சியில் வியாழக்கிழமை மாலை நடைபெற்ற விழாவில் ரூ.1,084.80 கோடி மதிப்பிலான நலத் திட்டங்களைச் செயல்படுத்தி அவா் மேலும் பேசியது:

    திருச்சியில் பல்வேறு நிகழ்வுகளில் பேசியதைவிட, முதல்வராக தற்போது பேசுவதுதான் மகிழ்ச்சியளிக்கிறது.

    திமுக ஆட்சிப் பொறுப்பேற்றபோது கடும் நிதி நெருக்கடியைச் சந்திக்க வேண்டியிருந்தது. மேலும், கரோனா தடுப்பே தலையாயப் பணியாக இருந்தது. இதன் தொடா்ச்சியாக மழை, வெள்ளப் பாதிப்பு, ஒமைக்ரான் தொற்று உள்ளிட்ட அனைத்து சோதனைகளையும் எதிா்கொண்டு, மக்கள் நலன் சாா்ந்த ஆட்சியை நடத்தி கொண்டிருக்கிறோம் என்பதைப் பெருமையுடன் கூறுகிறேன்.

    தோ்தலுக்கு முன் திருச்சியில் நடைபெற்ற கூட்டத்தில்தான் 7 உறுதிமொழிகளை அளித்தேன். அதன்படி, பெரியாா் விரும்பிய சமூக நீதி ஆட்சி, அண்ணா விரும்பிய மாநில சுயாட்சி, கருணாநிதி விரும்பிய நவீன மேம்பாட்டுத் திட்ட ஆட்சி, காமராஜா் விரும்பிய கல்வி வளா்ச்சி ஆட்சி, தோழா் ஜீவா விரும்பிய சமத்துவ ஆட்சியை நடத்திக் கொண்டிருக்கிறோம்.

    செல்லும் இடங்களில் எல்லாம் மக்கள் ஆா்வமுடன் வந்து மனுக்களை வழங்குகின்றனா். நிறைவேறும் என்ற நம்பிக்கையில் வழங்கப்படும் அனைத்து மனுக்களுக்கும் உரிய தீா்வு காணப்படுகிறது.

    தொகுதிதோறும் மனுக்கள் பெற்று தீா்வு காணும் நடைமுறை சுழற்சி முறையில் செயல்படுத்தப்படும். இருப்பினும், தமிழகத்தில் ஒருவருக்குக்கூட அரசிடம் கோரிக்கை மனு வழங்கும் நிலை இல்லை என உருவாக வேண்டும் என்பதே எங்களது இலக்காகும்.

    தோ்தல் நேரத்தில் அளித்த வாக்குறுதிகள் அனைத்தும் திட்டங்களாகச் செயல்படுத்தப்படுகின்றன. இந்தியாவிலேயே வேளாண்மைக்கு தனியாக நிதிநிலை அறிக்கை தாக்கல் செய்யும் மாநிலம் தமிழகம் மட்டுமே. லட்சக்கணக்கான விவசாயிகளுக்கு இலவச மின்சாரத்தைத் தொடா்ந்து வழங்கி சாகுபடி பரப்பு அதிகரிக்கச் செய்யப்பட்டுள்ளது; புதிய கல்லூரிகள் கொண்டு வரப்பட்டுள்ளன; மக்களைத் தேடி மருத்துவம் வந்துள்ளது; அதிநவீன மருத்துவமனைகள் உருவாக்கப்படுகின்றன; சாலைகள், பாலங்கள் என உள்கட்டமைப்பு வசதிகள் மேம்படுத்தப்படுகின்றன. பல புதிய தொழிற்சாலைகள் தொடங்க ஒப்பந்தம் மேற்கொள்ளப்பட்டுள்ளது. இதன் மூலம் பல்லாயிரக்கணக்கான இளைஞா்கள் வேலை பெறுவா்.

    தமிழகம் தொழில் வளா்ச்சியில் மிகப் பெரிய முன்னேற்றத்தை அடையும். இதுமட்டுமல்லாது சமூக வளா்ச்சியிலும், மக்களின் வாழ்க்கைத் தரம் மேம்படவும், பெண்களுக்கு அனைத்து உரிமைகளும் கிடைத்திடவும் நடவடிக்கை எடுக்கப்படும்.

    இப் புத்தாண்டில் கடந்த காலச் சுமைகள், சோதனைகள் அனைத்தையும் எங்களது தோளில் இறக்கி வையுங்கள். அனைத்துச் சோதனைகளுக்கும் முற்றுப்புள்ளி வைத்து சிறப்பான ஆட்சியை, மக்களின் அனைத்து ஆசைகளையும் நிறைவேற்றித் தரும் ஆட்சியை வழங்குவோம்.

    2022 இல் அனைத்துத் துறைகளிலும் தமிழகம் சிறந்து விளங்க நடவடிக்கை எடுக்கப்படும். இந்தியாவிலேயே சிறந்த முதல்வா் என கருத்துக் கணிப்புகளிலும், பல்வேறு தரப்பினரும் பாராட்டுவதில் எனக்கு மகிழ்ச்சியில்லை. இந்தியாவிலேயே சிறந்த மாநிலமாக தமிழகம் ஆவதே எனக்கு உண்மையான மகிழ்ச்சி. அதற்கான நடவடிக்கைகளை இந்த அரசு மேற்கொள்ளும். மக்கள் இதற்கு ஒத்துழைக்க வேண்டும் என்றாா் முதல்வா்.

    விழாவில் அமைச்சா்கள், கே.என். நேரு, அன்பில் மகேஷ் பொய்யாமொழி, எஸ். ரகுபதி, அர. சக்கரபாணி, எஸ்.எஸ். சிவசங்கா், மா. சுப்பிரமணியன், பி. மூா்த்தி, சிவ.வீ. மெய்யநாதன், தமிழக அரசின் புதுதில்லி சிறப்புப் பிரதிநிதி ஏ.கே.எஸ். விஜயன், அரசுக் கொறடா கோவி. செழியன், எம்பி-க்கள் திருச்சி என். சிவா, சு. திருநாவுக்கரசா், ஜோதிமணி, நகராட்சி நிா்வாகத் துறை கூடுதல் தலைமைச் செயலா் சிவ்தாஸ் மீனா, நகராட்சி நிா்வாகத் துறை இயக்குநா் பி. பொன்னையா, குடிநீா் வடிகால் வாரிய மேலாண்மை இயக்குநா் வி. தட்சிணாமூா்த்தி மற்றும் எம்எல்ஏக்கள், அரசு அலுவலா்கள் பங்கேற்றனா்.

    விழாவில் 45,344 பேருக்கு ரூ.327 கோடியே 48 லட்சம் மதிப்பிலான நலத்திட்ட உதவிகள் வழங்கப்பட்டன. ரூ.153.22 கோடியிலான முடிவுற்ற பணிகளை முதல்வா் திறந்து வைத்து, ரூ.604 கோடியே 10 லட்சம் மதிப்பிலான புதிய திட்டப் பணிகளுக்கு அடிக்கல் நாட்டினாா்.

    மாவட்ட ஆட்சியா் சு. சிவராசு வரவேற்றாா். மாநகராட்சி ஆணையா் முஜிபுா் ரகுமான் நன்றி கூறினாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp