திருச்சி மாவட்டம் தொட்டியம் ஒன்றியத்தில் வாய்க்கால் பாலங்கள் கட்டுவதற்கான பூமிபூஜை புதன்கிழமை நடைபெற்றது.
தொட்டியம் ஊராட்சி ஒன்றியம் கல்லுப்பட்டி கிராமத்தில் உள்ள மேட்டுபிளாா் வாய்க்காலின் குறுக்கிலும், காா்த்திகைபட்டி முருகன் கோயில் அருகிலுள்ள வாய்க்காலின் குறுக்கிலும் தலா ரூ. 35 லட்சத்தில் கட்டப்படும் பாலங்களுக்கான பூமிபூஜையை முசிறி எம்எல்ஏ செல்வராசு தொடங்கி வைத்தாா்.
நிகழ்வில் மாவட்ட கவுன்சிலா் ரவிச்சந்திரன், ஒன்றிய செயலா்கள் ராஜமாணிக்கம் (முசிறி மேற்கு), பால்மணி (தொட்டியம் மேற்கு) தொட்டியம் நகரச் செயலா் திருஞானம்,முன்னாள் மாவட்ட கவுன்சிலா் நெடுமாறன் மற்றும் அரசு அலுவலா்கள் பங்கேற்றனா்.
தாா்ச்சாலை கோரி மனு: அப்போது மண்சாலையைத் தாா்ச்சாலையாக அமைத்துத் தர வேண்டி முசிறி எம்எல்ஏவிடம் தொட்டியம் வட்ட காவிரி நீா்பாசன வாழை, வெற்றிலை உற்பத்தியாளா் சங்கத்தினா் மனு அளித்தனா்.
மனு விவரம்:
தொட்டியம் பேரூராட்சிக்குட்பட்ட 8 ஆவது வாா்டு பகுதியில் வசிக்கும் நாங்கள் சுமாா் 5 கிமீ சுற்றிக் கொண்டு தொட்டியம் நகரப் பகுதிக்கு வருகிறோம். இதைத் தவிா்க்கும் வகையில் தொட்டியம் - நாமக்கல் மெயின் சாலையில் இருந்து மேட்டுபிளாா் வடிவு வாய்க்கால் கரையை விவசாயிகளும் பொதுமக்களும் இணைந்து சுமாா் 2 கிமீ தூரம் அகலப்படுத்தி மண்சாலை அமைத்துப் பயன்படுத்தி வருகிறோம். இந்த மண் சாலையை தாா்ச்சாலையாக்க நடவடிக்கை எடுக்க வேண்டும் எனக் கோரியிருந்தனா். விரைவில் இதுகுறித்து நடவடிக்கை எடுக்க பரிந்துரை செய்யப்படும் என விவசாய சங்கத்தினரிடம் எம்எல்ஏ தெரிவித்தாா்.