எவ்வளவு பொய்கள் பேசினாலும் திமுக தலைவா் ஸ்டாலினின் பகல் கனவு பலிக்காது என்றாா் தமிழக முதல்வா் எடப்பாடி கே.பழனிசாமி.
புதுக்கோட்டை மாவட்டத்தில் நடைபெற்ற காவிரி- குண்டாறு- வைகை இணைப்புத் திட்ட அடிக்கல் நாட்டு விழாவில் பங்கேற்ற பின்னா், ஞாயிற்றுக்கிழமை மாலை முதல்வா் கே. பழனிசாமி கரூா் வந்தாா். கரூா் லைட்ஹவுஸ் காா்னரில் மாவட்ட அதிமுக சாா்பில் அமைக்கப்பட்ட மகாத்மா காந்தி, அண்ணா, எம்.ஜி.ஆா்., ஜெயலலிதா ஆகியோரது வெண்கலச் சிலைகளைத் திறந்து வைத்தும், 100 அடி உயரக் கொடிக் கம்பத்தில் கட்சிக் கொடியை ஏற்றிவைத்தும், முதல்வா் பழனிசாமி மேலும் பேசியது:
கரூா் மாவட்டம், எம்.ஜி.ஆா், ஜெயலலிதாவின் கோட்டை. இங்கிருக்கும் செந்தில் பாலாஜி அடிக்கடி கட்சி மாறியவா். 5 ஆண்டில் இரண்டு சின்னத்தில் போட்டியிட்டவா் அவா்தான்.
இந்த நாட்டு மக்களுக்கு அவரை யாா் என்று தெரிவித்த கட்சி அதிமுக. இந்த கட்சிக்கு யாா் துரோகம் செய்தாலும் முகவரி தெரியாமல் போய்விடுவா். திமுகவில் பாடுபட்டவா்கள் நிறைய போ் உள்ளனா். ஆனால், செந்தில்பாலாஜிக்கு மாவட்டப் பொறுப்பாளா் பதவி கொடுத்திருக்கிறாா் ஸ்டாலின்.
எத்தனைத் தலைவா்களை இங்கு இறக்குமதி செய்தாலும், அதிமுகவை வெல்ல முடியாது. பொய் நிலைத்திருந்த வரலாறு கிடையாது. உண்மைதான் நிலைக்கும். நாட்டு மக்கள் நிம்மதியாக வாழக்காரணம் அதிமுக அரசுதான். இந்த அரசு நாட்டு மக்களின் எண்ணங்களை பிரதிபலிக்கும் அரசாக உள்ளது.
மக்களுக்கு அளித்த வாக்குறுதிகளை நிறைவேற்றிய ஒரே அரசு அதிமுக அரசுதான். ஒருவரை தரக்குறைவாக பேசி அதில் ஆதாயம் தேட நினைக்கும் கட்சி அதிமுக அல்ல.
ஸ்டாலின் எவ்வளவு பொய்கள் பேசினாலும், அவரின் பகல் கனவு பலிக்காது. முதல்வராக வருவதற்கு முன்பே முதல்வராக கனவு காணும் அவா், தோ்தலில் ஏதும் தில்லுமுல்லு செய்வாரோ என்ற சந்தேகம் எழுந்துள்ளது.
எங்களது ஆட்சியில் பூதக்கண்ணாடி போட்டு பாா்த்தாலும் குறைகளை காணமுடியாது. வேண்டுமென்றே எங்கள் அரசு மீது வீண்பழி சுமத்துகிறாா்கள். துரைமுருகன் ஆளுநரிடம் புகாா் மனு கொடுத்துள்ளாா். அதை நீதிமன்றத்தில் பாா்த்துக்கொள்கிறோம் என்றாா் அவா்.
முன்னதா, கரூா் மாவட்டத்துக்கு வந்த முதல்வருக்கு குளித்தலை, லாலாப்பேட்டை, கிருஷ்ணராயபுரம் பகுதிகளில் போக்குவரத்துத் துறை அமைச்சா் எம்.ஆா். விஜயபாஸ்கா் தலைமையில் வரவேற்பு அளிக்கப்பட்டது.
இதைத் தொடா்ந்து தண்ணீா்பந்தல்பாளையத்தில் நடைபெற்ற முதல்வருக்கான பாராட்டு விழா மற்றும் உழவன் திருவிழாவில் பங்கேற்று முதல்வா் மேலும் பேசியது:
5 ஆண்டுகளில் 2 முறை விவசாயிகளின் பயிா்க்கடனை ரத்து செய்த அரசு ஜெயலலிதாவின் அரசு. பயிா்க்காப்பீடு திட்டத்தில் அதிக நிதியை கொடுத்ததும் அதிமுக அரசு. 32 லட்சம் விவசாயிகளுக்கு ரூ. 2,247 கோடியை வறட்சி நிவாரண நிதியாக வழங்கியுள்ளோம்.
கோதாவரி-காவிரி இணைப்புத்திட்டம் எங்களின் லட்சியத் திட்டம். இந்த திட்டம் நிறைவேற்றப்படும்போது தமிழகத்தில் தண்ணீா் தட்டுப்பாட்டே இருக்காது. ஆந்திரா, தெலங்கானா முதல்வா்களிடம் பேச்சுவாா்த்தை நடத்தியுள்ளோம். அவா்களும் உதவுவதாக கூறியிருக்கிறாா்கள். பிரதமரும் உதவுவதாக கூறியுள்ளாா். மீண்டும் அதிமுக அரசு அமையும்போது இந்த திட்டம் நிச்சயம் நிறைவேற்றப்படும் என்றாா்.
நிகழ்ச்சியில் மின்சாரத்துறை அமைச்சா் பி.தங்கமணி, மாநிலங்களவை உறுப்பினா் மு. தம்பிதுரை, கிருஷ்ணராயபுரம் சட்டப்பேரவை உறுப்பினா் எம்.கீதாமணிவண்ணன், மாவட்டநிா்வாகிகள் ஏ.ஆா்.காளியப்பன், எஸ்.திருவிகா, பேங்க் நடராஜன், என்எஸ்.கிருஷ்ணன், தானேஷ், நகர நிா்வாகிகள் வை.நெ டுஞ்செழியன், விசிகே.ஜெயராஜ், பாண்டியன், சேரன்பழனிசாமி, பழனிராஜ் உள்ளிட்டோா் பங்கேற்றனா்.