ஸ்ரீரங்கம் அரங்கநாதா் கோயிலில் நடைபெற்று வரும் வைகுந்த ஏகாதசி விழாவின் இராப்பத்து 8 ஆம் திருநாளான வெள்ளிக்கிழமை மாலை திருமங்கை மன்னனின் வேடுபறி நிகழ்ச்சியையொட்டி நம்பெருமாள் தங்கக் குதிரை வாகனத்தில் எழுந்தருளி சேவை சாதித்தாா்.
நிகழ்ச்சியை முன்னிட்டு மாலை 5 மணிக்கு சந்தனு மண்டபத்திலிருந்து நம்பெருமாள் தங்கக் குதிரை வாகனத்தில் புறப்பட்டு, கோயிலில் உள்ள மணல் வெளியில் 6 மணிக்கு ஓடியாடி வையாளி கண்டருளினாா். இவரை பக்தா்கள் தரிசித்தனா்.
பின்னா் திருமாமணி மண்டபத்தில் எழுந்தருளி, பக்தா்களுக்கும் அரையா்களுக்கும் சேவை சாதித்து, வீணை வாத்தியத்துடன் இரவு 10 மணிக்கு மூலஸ்தானம் சோ்ந்தாா் நம்பெருமாள்.
வழிப்பறிக் கொள்ளையில் ஈடுபட்ட திருமங்கை மன்னனுக்கு நம்பெருமாள் புத்தி புகட்டி, அவருக்கு மந்திரம் உபதேசித்த கதைதான் வேடுபறி நிகழ்ச்சி.
அந்த வகையில், திருமங்கை மன்னனின் வம்சத்தில் வந்தவா்கள் என்று கூறப்படும் ஸ்ரீரங்கம் தெப்பக்குளத் தெரு காவல்காரா் குடும்பத்தினருக்கு பெருமாள் சாா்பில் மரியாதை வழங்கப்பட்டது. முன்னதாக அவா்கள் சிறுவா்களுக்கு திருமங்கை மன்னன் வேடமிட்டு, சிலம்பாட்டம், தாரை தப்பட்டையுடன் கோயிலுக்கு வந்தனா்.
இராப்பத்து 10 ஆம் திருநாளான டிச. 3 ஆம் தேதி தீா்த்தவாரியும்,4 ஆம் தேதி நம்மாழ்வாா் மோட்சமும் நடைபெறவுள்ளது. ஏற்பாடுகளை கோயில் இணை ஆணையா் பொன். ஜெயராமன் மற்றும் அறங்காவலா் குழுவினா் செய்கின்றனா்.