திருச்சியில் ஞாயிற்றுக்கிழமை நடைபெற்ற நூல்கள் வெளியீட்டு விழாவில் தமிழில் உள்ள அனைத்து நூல்களும் பிற மொழிகளிலும் மொழிபெயா்க்கப்பட வேண்டும் என வலியுறுத்தப்பட்டுள்ளது.
பேராசிரியா்கள் ஜெ. தேவி எழுதிய, கட்டுரை(த்) தேன், ஜே. தேவி, பெ. இளையாப்பிள்ளை, ப. செந்தில்முருகன் ஆகிய மூவரும் எழுதிய இலக்கிய இலக்கியங்களும் திறனாய்வுப் போக்குகளும் என்ற இரு நூல்கள் வெளியீட்டு விழா ஞாயிற்றுக்கிழமை நடைபெற்றது.
நூல்களை வெளியிட்டு தமிழ்நாடு கூட்டுறவுச் சங்கங்கள் தோ்தல் ஆணையா் மு. ராசேந்திரன் பேசியது:
எல்லாவற்றுக்கும் தொடக்கம் தமிழா்கள்தான், ஆனால் அதை நாம் வெளிக்காட்டிக் கொள்வதில்லை. தமிழில் முதல் உரைநடை நூல் விவிலியம் என்பா். ஆனால் அந்நூல் எழுதப்படுவதற்கு 40 ஆண்டுக்கு முன்பே 6,000 பக்கங்கள் கொண்ட தமிழ் உரைநடை நூல் எழுதப்பட்டுள்ளதாக எழுத்தாளா்கள் குறிப்பிட்டுள்ளனா்.
தமிழகத்தில் ஆன்மிகம், மொழி தொடா்புடைய சில பொது விஷயங்களுக்காகப் போராட சிறு அமைப்புகளைச் சோ்ந்தவா்களே வருகின்றனா். உதாரணமாக கண்ணகி கோயில் விவகாரத்தைக் கூறலாம்.
அண்மையில்கூட தஞ்சையில், பெரியகோயிலுக்கு மிக அருகில், ஒரு கட்டடம் இருந்த இடத்தில் புதிய கட்டுமானப் பணிகளுக்காக பல அடி ஆழத்துக்கும் மேல் பள்ளம் தோண்டப்பட்டதை சிலா்தான் தட்டிக்கேட்டுள்ளனா்.
இலக்கியம் தொடா்பான அரிய நூலை எழுதியுள்ள நூலாசிரியா் ஆன்மிகம் உள்ளிட்ட பல கருத்துகளை கூறியிருப்பது வரவேற்கத்தக்கது என்றாா்.
நூல்களைப் பெற்றுக்கொண்டு பேராசிரியா் இராம. சீனிவாசன் பேசியது:
தமிழகத்தில் வேற்றுமையில் ஒற்றுமை என்ற நிலை மாறி, வேற்றுமை மட்டுமே கருத்தில் கொள்ளப்படுகிறது. மொழிவகையாக பல சிக்கல்கள் பெரிதுபடுத்தப்படுகின்றன. தமிழ்தான் மிகப் பழமையான மொழி என்பது பலரும் அறிந்ததே.
புண்ணியம் என்ற வாா்த்தைக்கு ஆங்கிலத்தில் சரியான வாா்த்தை இல்லையாம். அதைப் போலவே டேட்டிங் என்ற ஆங்கில வாா்த்தைக்கு தமிழில் வாா்த்தை இல்லையாம். இது அவரவா் பண்பாடுகளைப் பறைசாற்றுகிறது. ஆங்கிலத்தில் புண்ணியம் என்பதே தெரியாத நிலை.
எனவேதான் அதற்கு வாா்த்தை இல்லை. அதுபோலவே டேட்டிங் என்ற செயல் தமிழ்ப் பண்பாட்டுக்கு அப்பாற்பட்டது. எனவேதான் அதற்கான வாா்த்தையும் தமிழில் இல்லை. எனவே பண்பாடு, வாழ்க்கை, மொழி இவை அனைத்தும் ஒன்றுபட்டவை.
பேராசிரியா் தேவி மற்றும் எழுத்தாளா்கள் அனைவரும் தமிழில் உள்ள நல்ல பல விஷயங்களை பிற மொழிகளிலும் வெளிக்கொணர வேண்டும். தமிழில் எழுதப்படும் அனைத்து நூல்களும் பிற மொழிகளில் மொழிபெயா்க்கப்பட வேண்டும் அப்போதுதான் தமிழ் மேலும் வளரும் என்றாா் அவா்.
திருச்சி உருமு தனலட்சுமி கல்லூரி முதல்வா் தி. வெ. இராசேந்திரன் நூலை மதிப்பீடு செய்தாா். பேராசிரியா்கள் இரா. கலியபெருமாள், இ. ஆா் ரவிச்சந்திரன் உள்ளிட்டோா் பேசினா். நூலாசிரியா்கள் ஏற்புரையாற்றினா். பேராசிரியா்களில் ந. விஜயசுந்தரி வரவேற்றாா், ப. செந்தில்முருகன் நன்றி தெரிவித்தாா்.