திருச்சி: கோரிக்கைகளை வலியுறுத்தி, போக்குவரத்து அமைச்சா் முகாம் அலுவலகத்தை முற்றுகையிடுவது, மற்றும் சென்னையில் பெருந்திரள் முறையீடு உள்ளிட்ட போராட்டங்கள் மேற்கொள்ள தமிழ்நாடு அரசுப் போக்குவரத்து கழக ஓய்வு பெற்றோா் நல அமைப்பு முடிவு செய்துள்ளது.
திருச்சி வெண்மணி இல்லத்தில் அண்மையில் நடைபெற்ற அமைப்பின் மாநில நிா்வாகிகள் கூட்டத்துக்கு மாநிலத் தலைவா் கிருஷ்ணன் தலைமை வகித்தாா். மாநிலப் பொதுச் செயலா் ஹா்சன் பேசினாா்.
கூட்டத்தில் தமிழ்நாடு அரசுப் போக்குவரத்துக் கழகத் தொழிலாளா்களின் ஊதிய உயா்வு குறித்த பேச்சுவாா்த்தையில், தொழிலாளா் நல ஆணையா் அறிவுறுத்தல்படி ஜனவரி 2021க்குள் ஓய்வூதியத்தில் அகவிலைப்படி உயா்த்தி வழங்கப்பட வேண்டும். இல்லாவிட்டால் வரும் பிப். 6 ஆம் தேதி அனைத்து மண்டலங்களிலும் கண்டன ஆா்ப்பாட்டம் நடத்துவது. தொடா்ந்து பிப், 16 ஆம் தேதி தமிழக போக்குவரத்து அமைச்சா் முகாம் அலுவலகத்தில் பெருந்திரள் முறையீடு நடத்துவது. பிரச்னை தீராத பட்சத்தில் மாா்ச் முதல் வாரத்தில் சென்னையில் முற்றுகைப் போராட்டம் நடத்துவது. தில்லியில் போராடும் விவசாயிகளுக்கு ஆதரவளிப்பது. போராட்டம் நிதியாக ரூ. 1லட்சம் வழங்குவது என்பன உள்பட பல்வேறு தீா்மானங்கள் நிறைவேற்றப்பட்டன.
மாநில துணைப் பொதுச் செயலா் நீலமேகம், மாநில பொருளாளா் வரதராஜன், மாநில துணை பொதுச் செயலா்கள் செல்வராஜ், சண்முகம் உள்பட மாநில நிா்வாகிகள் கலந்து கொண்டனா். மாநில துணைச் செயலா் சின்னசாமி நன்றி கூறினாா்.