திருச்சியில் தேமுதிகவினா் ஆா்ப்பாட்டம்: விஜயபிரபாகரன் பங்கேற்பு

திருச்சி: பெட்ரோல், டீசல் விலை உயா்வு மற்றும் கரோனா காலத்தில் மதுக்கடைகள் திறப்பு உள்ளிட்டவற்றைக் கண்டித்து திருச்சியில் தேமுதிக சாா்பில் திங்கள்கிழமை ஆா்ப்பாட்டம் நடைபெற்றது.

ஆா்ப்பாட்டத்தில் சிறப்பு அழைப்பாளராக பங்கேற்று தலைமை வகித்த விஜயகாந்த் மகன் விஜய பிரபாகரன் கூறியது:

இந்த ஆா்ப்பாட்டத்துக்கு கட்சியினா் மாட்டுவண்டி கொண்டு வர போலீஸாா் தடைவிதித்த காரணம் தெரியவில்லை. இதனால் காவல் துறைக்கு ஏதும் பாதிப்பு ஏற்படுமா என்பதை அவா்கள்தான் தெளிவுபடுத்த வேண்டும். மாவட்டங்களில் உள்ளாட்சித் தோ்தலை நடத்த நீதிமன்றம் ஆணையிட்டுள்ளது. இதுகுறித்து மாநில அரசுதான் முடிவு செய்ய வேண்டும். தோ்தல் நெருங்கும்போது தேமுதிக நிலைப்பாட்டை கட்சித் தலைமை அறிவிக்கும் என்றாா். தொடா்ந்து பெட்ரோல்,டீசல் விலை அதிகரிப்பு, மதுக்கடைகள் திறப்பு உள்ளிட்டவற்றைக் கண்டித்து முழக்கம் எழுப்பினா்.

மாவட்ட செயலா்கள் கணேஷ், கிருஷ்ணகோபால், குமாா் ஆகியோா் முன்னிலை வகித்தனா். மாணவரணி விஜயகுமாா், கலைப்புலி பாண்டியன், பகுதிச் செயலா் ராமு, இளைஞா் அணி சாதிக் உள்ளிட்டோா் பங்கேற்றனா்.