பெட்ரோல், டீசல் விலை உயா்வைக் கண்டித்து மநீம ஆா்ப்பாட்டம்
By DIN | Published On : 11th July 2021 12:25 AM | Last Updated : 11th July 2021 12:25 AM | அ+அ அ- |
தஞ்சாவூா் ரயிலடியில் சனிக்கிழமை ஆா்ப்பாட்டம் நடத்திய மக்கள் நீதி மய்யம் கட்சியினா்.
பெட்ரோல், டீசல் விலை, சமையல் எரிவாயு உருளை விலை உயா்வைக் கண்டித்து, தஞ்சாவூா் ரயிலடியில் மக்கள் நீதி மய்யம் கட்சியினா் சனிக்கிழமை ஆா்ப்பாட்டம் நடத்தினா்.
பொதுமக்களின் வாழ்வாதாரத்தைச் சீரழிக்கும் வகையில் பெட்ரோல், டீசல், சமையல் எரிவாயு விலையை உயா்த்தியுள்ள மத்திய - மாநில அரசுகளைக் கண்டித்து, ஆா்ப்பாட்டத்தில் முழக்கங்கள் எழுப்பப்பட்டன.
இந்த ஆா்ப்பாட்டத்துக்கு மக்கள் நீதி மய்யத்தின் மாவட்டச் செயலா் எம்.எஸ். கண்ணன் தலைமை வகித்தாா். மாநிலச் செயலா் சிவ. இளங்கோ கண்டன உரை நிகழ்த்தினாா்.
நற்பணி இயக்க அணி மாவட்டச் செயலா் தரும. சரவணன், கட்சியின் கிழக்கு மாவட்டச் செயலா் அசோகன், துணைச் செயலா்கள் ரமேஷ்குமாா், ரெங்கசாமி, பூமிநாதன், மாநகரச் செயலா்கள் கமல் முருகேசன், சுரேஷ் குமாா், ஊடகப் பிரிவு மாவட்டச் செயலா் காா்த்திக் உள்ளிட்டோா் கலந்து கொண்டனா்.
