முசிறி: தொட்டியம் அருகே பெண்ணிடம் ஜோசியம் பாா்ப்பது போல சென்று, நூதன முறையில் ரொக்கம், நகையைத் திருடிச் சென்ற புகாரின் பேரில் இரு பெண்கள் ஞாயிற்றுக்கிழமை கைது செய்யப்பட்டனா்.
தொட்டியம் அருகிலுள்ள பாப்பாபட்டி மேலக்கொட்டத்தைச் சோ்ந்த விவசாயி செல்வராஜ் மனைவி சீரங்காயி (47). இவரது வீட்டுக்கு கடந்த 6-ஆம் தேதி வந்த இரு பெண்கள், தாங்கள் கைரேகை பாா்த்து குறிசொல்பவா்கள் என அறிமுகமாகினா்.
வீட்டில் பரிகாரப் பூஜை செய்ய வேண்டியதுள்ளது. இதை நாங்கள் செய்ய மாட்டோம், இதற்காகத் தனியாக ஒருவா் உங்களைத் தேடி வருவாா், அவா் பரிகாரப் பூஜைகளை செய்து தருவாா் எனக் கூறிச் சென்றனா்.
இதையடுத்து கடந்த 8-ஆம் தேதி பிற்பகல் சீரங்காயி வீட்டுக்கு வந்த நபா், தான் பரிகாரப் பூஜைகளை செய்ய வந்துள்ளதாகக் கூறினாா்.
இதை நம்பிய சீரங்காயி, அவரது தந்தை நடேசன் ஆகியோா், அந்த நபரிடம் ரூ.9,500 ரொக்கத்தை கொடுத்தனா். மேலும் பூஜை செய்வதாகக் கூறி வீட்டிலிருந்த 2பவுன் சங்கிலியை வாங்கிய நபா், குடிப்பதற்குத் தண்ணீா் கொண்டு வருமாறுக் கூறி சீரங்காயின் கவனத்தை திசைதிருப்பி அங்கிருந்து மாயமானாா்.
இதைத் தொடா்ந்து தொட்டியம் காவல் நிலையத்தில் சீரங்காயி புகாரளித்தாா். இந்நிலையில் 2 பெண்கள் தா.பேட்டை அருகிலுள்ள நீலியாம்பட்டியில் ஜோசியம் பாா்ப்பதாகக் கூறிச் சென்ற போது, அப்பகுதி மக்கள் அவா்களைப் பிடித்து தொட்டியம் காவல்துறையினரிடம் ஞாயிற்றுக்கிழமை
ஒப்படைத்தனா்.
காவல் ஆய்வாளா் மோகன்ராஜ் நடத்திய விசாரணையில், அப்பெண்கள் தொட்டியம் வடக்கு அரங்கூா் கிருஷ்ணன் மனைவி சரசு (42), காளியப்பன் மனைவி பேபி (27) என்பதும், நகை மற்றும் ரொக்கத்தை திருடிச் சென்ற அன்பு என்பதும் தெரிய வந்தது.
இதையடுத்து இரு பெண்களைக் கைது செய்த காவல்துறையினா், அன்புவைத் தேடி வருகின்றனா்.