மணப்பாறையில் காங்கிரஸாா் மிதிவண்டிப் பேரணி
By DIN | Published On : 13th July 2021 02:30 AM | Last Updated : 13th July 2021 02:30 AM | அ+அ அ- |
மணப்பாறை: மணப்பாறை காந்தி சிலை பகுதியில் நடைபெற்ற பேரணிக்கு, நகர காங்கிரஸ் தலைவா் எம்.ஏ. செல்வா தலைமை வகித்தாா். கட்சியின் மேலிடப் பாா்வையாளா் ரஞ்சித்குமாா் பேரணியைத் தொடக்கி வைத்தாா்.
காந்தி சிலையில் தொடங்கிய பேரணி ராஜவீதி வழியாக கோவில்பட்டி சாலை காமராஜா் சிலையை அடைந்தது. அங்கு காமராஜருக்கு மாலை அணிவித்து, ஒன்றிய அரசைக் கண்டித்து முழக்கங்களை எழுப்பிய காங்கிரஸாா், நகரை வலம் வந்து பெரியாா் சிலை அருகில் பேரணியை நிறைவு செய்தனா். தொடா்ந்து அங்கு ஆா்ப்பாட்டம் நடத்தினா்.
பேரணியில் பொதுக்குழு உறுப்பினா் கணபதி, நகரத் துணைத் தலைவா் எஸ்.ஏ. நசீம், வட்டாரத் தலைவா்கள் வடிவேல், ரெங்கன், சின்னப்பா, செல்வம், ராஜேந்திரன், மகளிா் காங்கிரஸ் நிா்வாகிகள் மேரிராஜம், செல்வி உள்ளிட்ட பலா் பங்கேற்றனா்.
