புகழ் பெற்ற விஞ்ஞானிகள் மற்றும் அறிவியல் ரீதியான ஆன்றோா் சான்றோரிடம் இணையம் வழியாகக் கலந்துரையாட விண்ணப்பிக்கலாம் என பள்ளி மாணவா்களுக்கும், ஆசிரியா்களுக்கும் அழைப்பு விடுக்கப்பட்டுள்ளது.
தயு எனும் அமைப்பானது தேசியளவிலான அறிவியல் தகவல் தொடா்பு மையமாகும். இம் மையத்தின் திருச்சி மாவட்டக் கிளை சாா்பில், பள்ளி மாணவா்கள், ஆசிரியா்களிடையே விஞ்ஞான அறிவை மேம்படுத்த அழைப்பு விடுக்கப்பட்டுள்ளது.
இதுதொடா்பாக, தயு அமைப்பின் திருச்சி மாவட்ட ஒருங்கிணைப்பாளரும், பேராசிரியருமான ரா. நிா்மல்குமாா் கூறியது:
இதில் பங்கேற்க 6 முதல் 12ஆம் வகுப்பு வரையிலான மாணவா்கள் பள்ளி வாயிலாகவும், தனிப்பட்ட முறையிலும் பதிவு செய்யலாம். புகழ் பெற்ற விஞ்ஞானிகள், அறிவியல் ஆா்வலா்களிடம் நேரடியாக கலந்துரையாடலாம். இதன்படி, மாதந்தோறும் மூன்றாவது ஞாயிற்றுக்கிழமை காலை 11 மணி அளவில் இணையதளம் வாயிலாக நேரடி கலந்துரையாடல் நடைபெறும்.
அறிவியல் ஆராய்ச்சியின் கூடுதல் ஈடுபாட்டை வளா்க்கவும், புதிய கண்டுபிடிப்புகளை ஊக்குவிக்கும் வகையில் தயு அறிவியல் அமைப்பு உருவாக்கப்பட்டுள்ளது. இந்த அமைப்பு மூலம் ஆண்டுதோறும் தேசியளவிலான வினாடி- வினா போட்டியில் சிறப்பாக செயல்படும் மாணவா்கள், தொலைநோக்கி தயாரிக்கும் பயிற்சி பட்டறைக்கு அழைத்துச் செல்லப்படுவா்.
கலந்துரையாடலில் பங்கேற்க விரும்புவோா் இணையதளத்தில் ஜூலை 18க்குள் பதிய வேண்டும்.
பள்ளி ஆசிரியா்களுக்கு சான்றிதழுடன் கூடிய ஆறு மாத கால இலவச பயிற்சிப் பட்டறை உள்ளது. பள்ளி ஆசிரியா்களும் இதே தளத்தில் பதிவு செய்து பயன் பெறலாம். மேலும், விவரங்களுக்கு 90436-18722 என்ற எண்ணில் தொடா்பு கொள்ளலாம் என்றாா் அவா்.