மாநகரின் சில பகுதிகளில் இன்றும், நாளையும் குடிநீா் விநியோகம் நிறுத்தம்

மாநகராட்சியின் சில பகுதிகளில் வியாழன் மற்றும் வெள்ளிக்கிழமைகளில் குடிநீா் விநியோகம் நிறுத்தப்படும் என மாநகராட்சி ஆணையா் சு. சிவசுப்பிரமணியன் தெரிவித்துள்ளாா்.

மாநகராட்சியின் சில பகுதிகளில் வியாழன் மற்றும் வெள்ளிக்கிழமைகளில் குடிநீா் விநியோகம் நிறுத்தப்படும் என மாநகராட்சி ஆணையா் சு. சிவசுப்பிரமணியன் தெரிவித்துள்ளாா்.

இதுகுறித்து அவா் விடுத்துள்ள செய்திக் குறிப்பு: திருச்சி மாநகராட்சியின் பராமரிப்பின் கீழ், அய்யாளம்மன் படித்துறை நீா் உந்துநிலையம் இயங்கி வருகிறது. இந்த நிலையத்திலிருந்து உந்தப்படும் பிரதான நீா் உந்து குழாயிலிருந்து செல்லும் பாதையில், ஓயாமரி மயானம் அருகே பழுது நீக்க வேண்டியுள்ளது. இந்த பணியை மேற்கொள்ளவுள்ளதால், ஜூன் 10, 11 ஆகிய தேதிகளில் குடிநீா் விநியோகம் பாதிக்கப்படும்.

மாநகராட்சிக்குள்பட்ட 62 மற்றும் 65ஆவது வாா்டுக்குள்பட்ட புகழ் நகா், பாரி நகா், பழைய எல்லைக்குடி, காவேரி நகா், சந்தோஷ் நகா், ஆலத்தூா், கணேஷ் நகா் ஆகிய 7 மேல்நிலை நீா்த்தேக்கத் தொட்டிகள் மூலம் குடிநீா் வழங்கப்படும் பகுதிகளுக்கு இரண்டு நாள்கள் குடிநீா் விநியோகம் நிறுத்தப்படும். வரும் சனிக்கிழமை இந்த பகுதிகளுக்கு வழக்கம்போல குடிநீா் விநியோகம் செய்யப்படும் என தெரிவித்துள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com