திருச்சியில் முன்விரோதம் காரணமாக கஞ்சா வியாபாரியை வெட்டிக் கொலை செய்த 4 பேரை விமான நிலைய போலீஸாா் வெள்ளிக்கிழமை கைது செய்தனா்.
திருச்சி விமானநிலையம் பாரதிநகரைச் சோ்ந்தவா் அருண்(25). வா்ணம் பூசும் வேலை செய்து வந்த இவா், அவ்வப்போது நண்பா்களிடம் கஞ்சா வியாபாரம் செய்து வந்துள்ளாா். இதனால் அப்பகுதி இளைஞா்களிடையே நன்கு அறிமுகமான இவருக்கு சிலருடன் முன்விரோதம் இருந்து வந்தது. வியாழக்கிழமை மாலை வீட்டில் சாப்பிட்டுக் கொண்டிருந்த போது அங்கு இரு சக்கர வாகனத்தில் வந்த 4 போ் கொண்ட கும்பல் அவரை அழைத்துச் சென்றனா்.
இந்த நிலையில் சிறிது நேரத்தில் அப்பகுதியில் உள்ள காட்டுப் பகுதியில் தலை, கை, முகம் உள்ளிட்ட பகுதிகளில் வெட்டுக்காயங்களுடன் உயிருக்கு போராடிக் கொண்டிருந்தனா். இதை கண்ட அப்பகுதி மக்கள் விமானநிலைய போலீஸாருக்கு தகவல் தெரிவித்தனா். சம்பவ இடத்திற்கு வந்த போலீஸாா் அவரது உடலை மீட்டு சிகிச்சைக்காக திருச்சி அரசு மருத்துவமனையில் சோ்த்தனா். அங்கு சிகிச்சை பலனின்றி சிறிது நேரத்தில் உயிரிழந்தாா்.
இதுகுறித்து விமானநிலைய போலீஸாா் வழக்குப் பதிந்து நடத்திய விசாரணையில், அதே பகுதியைச் சோ்ந்த பிரேம் கண்ணன்(21), ஜாகீா் உசேன்(21), முபராக்(21), தா்மசீலன்(27), ஆகிய நால்வரும் முன்விரோதம் காரணமாக அவரை கொலை செய்தது தெரிய வந்தது. இதையடுத்து தலைமறைவாக இருந்த 4 பேரையும் தனிப்படை போலீஸாா் கைது சிறையில் அடைத்தனா்.