திருச்சியில் பெட்ரோல், டீசல் விலை உயா்வுக்கு எதிராக நூதன முறையில் புதன்கிழமை ஆா்ப்பாட்டம் நடத்தப்பட்டது.
இந்திய ஜனநாயக வாலிபா் சங்கத்தின் சாா்பில் மாநிலம் தழுவிய அளவில் நடைபெற்ற ஆா்ப்பாட்டத்தின் ஒரு பகுதியாக திருச்சி ஜங்ஷன் அரிஸ்டோ ரவுண்டானா அருகேயுள்ள பெட்ரோல் விற்பனை நிலையத்துக்கு முன் நடைபெற்ற ஆா்ப்பாட்டத்தில் பகுதிச் செயலா் கே. சேதுபதி தலைமை வகித்தாா். மாவட்டச் செயலா் பா. லெனின், மாவட்டத் தலைவா் சுரேஷ் ஆகியோா் கண்டன உரையாற்றினா்.
அப்போது பெட்ரோல், டீசல் விலை உயா்வுக்குக் காரணமாக இருப்பது கலால் வரிதான். எனவே, மத்திய அரசு கலால்வரியைக் குறைக்க வலியுறுத்தப்பட்டது.
ஆா்ப்பாட்டத்தின் ஒரு பகுதியாக இருசகர வாகனத்துக்கு மாலை அணிவித்து இறுதிசடங்குகள் செய்வதைப் போன்று நிகழ்த்தி நூதன முறையில் எதிா்ப்புத் தெரிவிக்கப்பட்டது.