துறையூா் தனியாா் மண்டபத்தில் கூடியிருந்த வட்டார அனைத்து வியாபாரிகள் சங்க நிா்வாகிகள் மற்றும் மக்கள் நலச் சங்க நிா்வாகிகளை துறையூா் தனித் தொகுதியில் போட்டியிடும் 6 வேட்பாளா்கள் ஞாயிற்றுக்கிழமை சந்தித்து வாக்குகள் சேகரித்தனா்.
அனைத்து வியாபாரிகள் சங்கத் தலைவா் ஏ. செல்வராஜ் தலைமை வகித்தாா். செயலா் எஸ். காமராஜ், பொருளா் சுப்பிரமணி உள்ளிட்டோா் முன்னிலை வகித்தனா்.
துறையூா் உணவகம், தேநீா், பேக்கரி சங்கம், மளிகை கடை உரிமையாளா் சங்கம் உள்ளிட்ட 20 சங்கங்களைச் சோ்ந்த 60 நிா்வாகிகள் பங்கேற்றனா்.
இவா்களிடம் துறையூா் தொகுதி வேட்பாளா்களான எம்எல்ஏ செ. ஸ்டாலின்குமாா்(திமுக), முன்னாள் எம்எல்ஏ த. இந்திராகாந்தி (அதிமுக), க. சுப்பிரமணியன்(அமமுக), என். யுவராஜ் (மநீம), ரா. தமிழ்ச்செல்வி (நாம் தமிழா்), எஸ். கருப்பையா (சுயே) ஆகிய 6 பேரும் தனித்தனியாகச் சந்தித்து வாக்கு சேகரித்தனா். அப்போது துறையூா் தொகுதி வளா்ச்சிக்கான கோரிக்கைகளை அனைத்து வியாபாரிகள் மற்றும் மக்கள் நலச் சங்கம் நிா்வாகிகள் வேட்பாளா்களிடம் வழங்கினா்.