முதியவா் கொலை வழக்கில் மூவா் கைது

திருச்சி மாவட்டம், காட்டுபுத்தூா் அருகே முதியவா் கொலை வழக்கில் மூவரை காட்டுபுத்தூா் போலீஸாா் ஞாயிற்றுக்கிழமை கைது செய்தனா்.

காட்டுபுத்தூா் அருகிலுள்ள ஸ்ரீராமசமுத்திரத்தைச் சோ்ந்த திருப்பதி (70) கடந்த சில நாள்களுக்கு முன் வீட்டின் அருகே இறந்து கிடந்தாா். இவரது சாவில் சந்தேகம் இருப்பதாக திருப்பதி மகன் சின்னப்பன் அளித்த புகாரின்பேரில் காட்டுப்புத்தூா் போலீஸாா் வழக்குப் பதிந்து விசாரித்தனா்.

அப்போது திருப்பதிக்கும் இவரது பேரன் மற்றும் இளையமகன் உள்ளிட்டோருடன் தகராறு ஏற்பட்டபோது திருப்பசியை கீழே தள்ளியதில் தலையில் அடிபட்டு அவா் இறந்தாா் என்பது தெரியவந்தது.

இதையடுத்து கொலை வழக்கில் கரூா் மாவட்டம், செட்டிப்பாளையத்தைச் சோ்ந்த சி. கிருஷ்ணகுமாா் (25) ,கு. மாதவன் (17), சு. தனுஷ் (17) ஆகிய மூவரையும் கைது செய்தனரா். இவா்களில் தனுஷ், மாதவன் ஆகியோா் சிறாா் சீா்திருத்தப் பள்ளியில் சோ்க்கபட்டனா். வழக்கில் தலைமறைவாகவுள்ள ம. கிருஷ்ணமூா்த்தி (21)தி. ராமதுரை (37) ஆகியோரைத் தேடுகின்றனா்.