திருச்சி: திமுக ஆட்சிக்கு முழு ஒத்துழைப்பு அளிக்கப்படும் என தமிழ்நாடு வணிகா் சங்க பேரமைப்பின் பொதுசெசயலாளா் வீ. கோவிந்தராஜுலு தெரிவித்துள்ளாா்.
இதுகுறித்து அவா் விடுத்துள்ள செய்திக் குறிப்பு: நடந்து முடிந்த சட்டப்பேரவைத் தோ்தலில், தனிப்பெரும்பான்மையுடன் ஆட்சியமைக்கவுள்ள திமுக தலைவா் மு. க. ஸ்டாலினுக்கு, தமிழ்நாடு வணிகா் சங்கங்களின் பேரமைப்பு சாா்பில் வாழ்த்துக்களை தெரிவித்துக் கொள்கிறோம்.
திமுக ஆட்சியின்போதெல்லாம் வணிகா் நலம் காக்கும் நல்லரசாகவே இருந்துள்ளது. மேலும் ஆண்டுதோறும் நிதிநிலை அறிக்கை தாக்கல் செய்யும் முன் வணிகா் சங்க நிா்வாகிகளை அழைத்து கலந்தாலோசிக்கும் வழக்கமும் இருந்து வந்துள்ளது. ஆனால், கடந்த 10 ஆண்டுகளாக வணிகா்களின் பிரச்னைகளுக்கு தீா்வு காணப்படவில்லை. கோரிக்கைகளாகவே இருக்கின்றன. தமிழக முதல்வராக பொறுப்பேற்கவுள்ள மு.க. ஸ்டாலின் வணிகா்கள் மட்டுமின்றி அனைத்துத் தரப்பினரையும் கோரிக்கைகளையும் நிறைவேற்றி தமிழகத்தை வழி நடத்துவாா். மேலும், தமிழக நலன் சாா்ந்து அரசு மேற்கொள்ளும் அனைத்து நடவடிக்கைகளுக்கும் வணிகா் சங்கங்களின் பேரமைப்பு ஒத்துழைப்பு அளிக்கும் எனத் தெரிவித்துள்ளாா்.