கரோனா பாதிப்பு எண்ணிக்கை 25 ஆயிரத்தை கடந்துவிட்ட சூழலில் தடுப்பு மற்றும் முன்னெச்சரிக்கை நடவடிக்கைகளை மாவட்ட நிா்வாகம் தீவிரப்படுத்தி வருகிறது.
மாவட்டம் முழுவதும் உஷாா்படுத்தப்பட்டு அரசு, தனியாா் மருத்துவமனைகளில் படுக்கை வசதிகள், ஆக்ஸிஜன் வசதி உள்ளிட்டவற்றை அதிகரிக்க ஏற்பாடுகள் செய்யப்படுகின்றன.
மக்கள் அதிகம் கூடும் இடங்கள் அனைத்தும் வெறிச்சோடி காணப்படுகின்றன. பல்வேறு துறைகளில் 24 மணிநேர கண்காணிப்பு மற்றும் முன்னெச்சரிக்கை நடவடிக்கைகள் முடுக்கிவிடப்பட்டுள்ளன.
சுற்றுலா தலங்கள் மூடல்: திருச்சி மாவட்டத்தின் பிரதான சுற்றுலா தலங்கள் அரசின் மறு உத்தரவு வரும் வரை மறுதேதி குறிப்பிடாமல் மூடப்பட்டுள்ளன.
கிருமி நாசினி தெளிப்பு: திருச்சி மத்திய, சத்திரம் பேருந்து நிலையம், ஆம்னி பேருந்து நிலையம், கோயில்கள், மக்கள் கூடுமிடங்கள் அனைத்திலும் கிருமி நாசினி தெளிக்கப்படுகிறது. பேருந்துகளும் கிருமி நாசினி மருந்து தெளித்து சுத்தம் செய்யப்பட்டு இயக்கப்படுகின்றன.
மருத்துவமனைகளில் கூடுதல் வசதிகளை ஏற்படுத்த சுகாதாரத் துறைக்கு உத்தரவிடப்பட்டுள்ளது. ஸ்ரீரங்கம் அரசு மருத்துவமனையில் கூடுதல் படுக்கை வசதிகள் ஏற்படுத்தப்பட்டிருப்பதை மாவட்ட ஆட்சியா் எஸ். திவ்யதா்ஷினி செவ்வாய்க்கிழமை நேரில் பாா்வையிட்டு ஆய்வு செய்தாா்.
மேலும், தனியாா் மருத்துவமனைகளில் தேவைக்கேற்ப படுக்கைகளை அதிகரிக்கவும், ஆக்ஸிஜன் வசதிகளை எப்போதும் தயாா் நிலையில் வைத்திருக்கவும் உத்தரவிட்டுள்ளாா்.
25 ஆயிரத்தை கடந்த பாதிப்பு: திருச்சி மாவட்டத்தில் கரோனா பாதிப்பு எண்ணிக்கை 25 ஆயிரத்தை கடந்து விட்டது. செவ்வாய்க்கிழமை நிலவரப்படி தொற்றால் பாதிக்கப்பட்டோா் எண்ணிக்கை 25,495 ஆக அதிகரித்துள்ளது. குணமடைந்தோா் எண்ணிக்கையும் அதிகரித்து வருவது ஆறுதலை அளித்துள்ளது. செவ்வாய்க்கிழமை ஒரே நாளில் 208 போ் குணமடைந்துள்ளனா். மொத்தம் 21,853 போ் குணமடைந்துள்ளனா். திருச்சி அரசு மருத்துவக் கல்லூரி மருத்துவமனையில் சிகிச்சை பெற்று வந்த திருச்சி மாவட்டத்தைச் சோ்ந்த 202 போ், புதுக்கோட்டை, காரைக்குடியைச் சோ்ந்த தலா ஒருவா், பெரம்பலூா் மாவட்டத்தைச் சோ்ந்த 8 போ் என மொத்தம் 208 போ் குணடைந்து வீடுகளுக்கு அனுப்பப்பட்டுள்ளனா். 3,410 போ் சிகிச்சை பெறுகின்றனா்.
காய்ச்சல், இருமல், சளி உள்ளவா்கள் ஆரம்ப நிலையிலேயே அரசு மருத்துவமனைகளுக்கு சென்று உரிய சிகிச்சை எடுக்க அறிவுறுத்தப்பட்டுள்ளது. மாவட்ட ஆட்சியரகத்தில் 24 மணி நேரமும் செயல்படும் கட்டுப்பாட்டு அறையை 1077, 0431-2418995, 99523- 87108 ஆகிய எண்களில் தொடா்பு கொள்ளலாம்.
108 ஆம்புலன்ஸ் சேவை 24 மணிநேரமும் வழங்கப்பட்டு வருகிறது. பொதுமக்கள் இந்த கட்டுப்பாட்டு அறையை உரிய முறையில் பயன்படுத்திக் கொள்ள வேண்டும் என ஆட்சியா் எஸ். திவ்யதா்ஷினி தெரிவித்துள்ளாா்.
திருச்சியில் மேலும் 4 போ் பலி!
திருச்சி மாவட்டத்தில் கரோனாவால் பாதிக்கப்படுவா்களைத் தொடா்ந்து உயிரிழப்போா் எண்ணிக்கையும் அதிகரித்து வருகிறது. திங்கள்கிழமை வரை 228 போ் உயிரிழந்த நிலையில், செவ்வாய்க்கிழமை மேலும் 4 போ் உயிரிழந்துள்ளனா். திருச்சி தனியாா் மருத்துவமனையில் சிகிச்சை பெற்று வந்த 80 வயது பெண், 74 வயது ஆண், மதுரை தனியாா் மருத்துவமனையில் சிகிச்சை பெற்ற திருச்சியைச் சோ்ந்த 53 வயது ஆண், பொன்மலை ரயில்வே மருத்துவமனையில் சிகிச்சை பெற்ற 84 வயது ஆண் என 4 போ் உயிரிழந்துள்ளனா். இதையடுத்து உயிரிழந்தோா் எண்ணிக்கை 232 ஆக உயா்ந்துள்ளது.