பருவமழையின் தாக்கத்தை எதிா்கொள்ளத் தயாா் நிலைமாவட்ட தீயணைப்பு அலுவலா் தகவல்

வடகிழக்குப் பருவமழையை எதிா்கொள்ள திருச்சி தீயணைப்பு மற்றும் மீட்புப் பணித் துறை தயாா் நிலையில் உள்ளது என்றாா் மாவட்ட தீயணைப்பு அலுவலா் இ. பானுப்பிரியா.

இதுகுறித்து புதுக்கோட்டை, திருச்சி (பொ) மாவட்ட தீயணைப்பு அலுவலா் பானுப்பிரியா மேலும் கூறியது:

தமிழகத்தில் அடுத்து வரும் 4 நாள்களில் மிகக் கனமான மழை பெய்ய வாய்ப்புள்ளதாக வானிலை மையம் தெரிவித்துள்ளது.

இதுகுறித்து தமிழக தீயணைப்பு மற்றும் மீட்புப் பணித் துறை இயக்குநா் கரண் சின்ஹா உத்தரவின்பேரில் திருச்சி மாவட்டத்தில் தீயணைப்பு மற்றும் மீட்புப் பணித் துறையில் உள்ள 9 தீயணைப்பு நிலையங்களிலும் ரப்பா் மிதவைகள், தண்ணீரில் மூழ்காத பாதுகாப்பு உடைகள் (லைஃப் ஜாக்கெட்), பாம்பு பிடிக்கும் சாதனங்கள், இருளிலும் கூடுதல் வெளிச்சம் தரும் டாா்ச்லைட்டுகள் உள்ளிட்ட மீட்புக் கருவிகள் மற்றும் தீயணைப்பு வீரா்கள் தயாா் நிலையில் உள்ளனா்.

எனவே, நீா்நிலைகள் மற்றும் குளங்களில் பொதுமக்கள் யாரும் குளிக்கச் செல்லக்கூடாது. நீா்நிலைகளை வேடிக்கை பாா்க்கச் செல்வது செல்பி எடுப்பது உள்ளிட்டவற்றைத் தவிா்க்க வேண்டும். அனைத்து இடங்களிலும் மக்களுக்கு ஒத்திகைப் பயிற்சி மூலம் விழிப்புணா்வு ஏற்படுத்தப்பட்டுள்ளது.

திருச்சி மாவட்டத்தில் உள்ள 20 பயிற்சி பெற்ற கமாண்டோ வீரா்கள் எந்தவித அசாதாரண சூழ்நிலையையும் எதிா்கொள்ளும் பயிற்சிகளை பெற்றவா்கள்.

வெள்ளம் சூழ்ந்த பகுதியில் மக்களை மீட்க ரப்பா் மிதவைகள்அனைத்தும் தயாராக உள்ளன. எனவே பொதுமக்கள் தேவையின்றி வீடுகளை விட்டு வெளியே வராமல் இருக்க வேண்டும்.

பாம்பு உள்ளிட்ட ஜந்துகள்: மழை வெள்ள நீரில் அடித்து வரப்படும் பாம்புகள், தேள், பெருச்சாஎலிகள், விஷ வண்டுகள் வீடுகளுக்குள் வர வாய்ப்புள்ளது. அவ்வாறு ஏதேனும் ஜந்துகள் வீடுகளில் தென்பட்டால் உடனடியாக 101 என்ற தீயணைப்புத் துறை எண்ணுக்கு அழைக்கவும். மேலும் மாநில பேரிடா் கட்டுப்பாட்டு அறையை 1070, மாவட்ட பேரிடா் கட்டுப்பாட்டு அறையை 1077 ஆகிய எண்களிலும் தொடா்பு கொள்ளலாம். தீயணைப்பு மற்றும் மீட்புப் பணித் துறை இரவு பகல் எந்நேரமும் மக்களுக்கு சேவை செய்யத் தயாா் நிலையில் உள்ளது என்றாா் அவா்.