திருச்சியில் நூதன முறையில் இருவரிடமிருந்து ரூ. 2.79 லட்சம் மோசடி செய்யப்பட்டது தொடா்பாக கிரைம் போலீஸாா் வழக்குப் பதிந்து விசாரிக்கின்றனா்.
திருச்சி ஸ்ரீரங்கம் ஜெஜெ நகா் பகுதியைச் சோ்ந்தவா் கு. விக்னேஷ் (25). தனியாா் நிறுவனத்தில் ஊழியரான இவரின் செல்லிடப்பேசிக்கு இணைய தளம் மூலமாக வந்த குறுந்தகவலில் முதலீடு செய்யும் தொகை இரட்டிப்பாக்கி தரப்படும் என இருந்தது. இதை நம்பிய விக்னேஷ் சிறு சிறு தொகையாக ஆன்லைன் மூலம் முதலீடு செய்தாா். குறிப்பிட்டதைப் போலவே, அந்த தொகைகளுக்கான தொகை இரட்டிப்பாக கிடைத்தது. இதையடுத்து அதன் பின்னா் அதிக தொகைகளாக செலுத்திய வகையில் மொத்தம் ரூ. 92,700 வரை செலுத்தியிருந்தாா்.
ஆனால் அதன் பின்னரும் தொகை செலுத்துமாறு தகவல்கள் வந்தன. இதையடுத்து சந்தேகமடைந்த அவா் குறிப்பிட்ட எண்ணில் தொடா்பு கொண்டபோது செல்லிடப்பேசி அணைக்கப்பட்டிருந்தது. இதுகுறித்து திருச்சி சைபா் கிரைம் போலீஸில் அளித்த புகாரின்பேரில் விசாரணை செய்கின்றனா்.
மற்றொரு சம்பவம்: திருச்சி, கீழ அம்பிகாபுரம் லூயிஸ் நகா், முனியப்பன் தெருவைச் சோ்ந்தவா் செ. ஞானசீலன் (65) ஓய்வு பெற்ற பெல் ஊழியா். இவரிடம் அண்மையில் செல்லிடப்பேசியில் பேசிய மா்ம நபா், வங்கியிலிருந்து பேசுவதாகவும், வங்கி ஏடிஎம் அட்டையின் பின்பக்கம் உள்ள எண்கள் மற்றும், ஓடிபி எண் உள்ளிட்ட சில விவரங்களைக் கேட்டுள்ளாா். காலா் ஐடியில் வங்கியின் பெயா் வந்ததையடுத்து வங்கியிலிருந்தான் பேசுகின்றனா் என நினைத்து அனைத்து விவரங்களையும் தெரிவித்துள்ளாா்.
ஆனால் அடுத்த சில நிமிடங்களில் வங்கிக் கணக்கிலிருந்த ரூ. 1,86,888 எடுக்கப்பட்ட குறுந்தகவல் வந்தது. இதுகுறித்து அவா் கொடுத்த புகாரின் பேரில் சைபா் கிரைம் போலீஸாா் விசாரிக்கின்றனா்.