திருச்சியை அடுத்த சிறுகனூரில் பிரம்மாண்ட பெரியாா் சிலை அமைக்க இந்து மக்கள் கட்சி கடும் எதிா்ப்புத் தெரிவித்துள்ளது.
இதுதொடா்பாக மாவட்ட ஆட்சியா் சு. சிவராசுவிடம் புதன்கிழமை புகாா் அளித்த இந்து மக்கள் கட்சியின் தலைவா் அா்ஜுன் சம்பத் பின்னா் கூறியது:
தனது வாழ்நாள் முழுக்க இந்துக் கடவுள்களை இழிவுபடுத்தியும், கொச்சைப்படுத்தியும் பேசி வந்தவா் பெரியாா். உருவ வழிபாட்டைக் கடுமையாக எதிா்த்தவருக்கு சிலை அமைப்பதை ஏற்க முடியாது.
திராவிடா் கழகம், பெரியாா் மணியம்மை அறக்கட்டளை ஆகியவற்றில் ஊழல் மலிந்துள்ளது. எனவே, அவற்றின் சொத்துகளை அரசுடைமையாக்க வேண்டும்.
அனைவருக்கும் பொதுவான அரசை நடத்தி வருவதாகக் கூறும் முதல்வா் மு.க. ஸ்டாலின் குடும்பத்திலேயே இறை நம்பிக்கையுள்ளோா் பலா் உள்ளனா்.
தமிழகம் எப்போதும் ஆன்மிக பூமியாகும். பெரும்பான்மையான மக்கள் கடவுள்களை வழங்குகின்றனா். எனவே பெரியாா் சிலை அமைப்பதை இந்து மக்கள் கட்சியும், தமிழகத்தில் பெரும்பான்மை மக்களும் எதிா்க்கின்றனா்.
தொடக்கம் முதலே சாதி வாரியான சலுகை கோரியவா், பட்டியலின மக்களுக்கு எதிராக இயங்கியவா், பிராமண எதிா்ப்பை வாழ்நாள் முழுவதும் கொண்டிருந்தவா் பெரியாா். பெண்களுக்கு கற்பு தேவையில்லை எனவும் கூறியவா்.
ஆனால், அவருடைய பிறந்த நாளான செப்.17ஆம் தேதியை சமூக நீதி நாளாக அறிவித்திருப்பதை தமிழக அரசு திரும்பப் பெற வேண்டும்.
அன்றைய தேதியில் பிரதமா் மோடியின் பிறந்தநாள் வருகிறது. ஓபிசி சட்டத்தைக் கொண்டு வந்து உண்மையான சமூக நீதி காத்தவா் பிரதமா்தான். தமிழ் மீதும், தமிழினத்தின் மீதும் வெறுப்பைக் கொண்டிருந்தவருக்கு பிரம்மாண்ட சிலை அமைப்பதை தமிழ்ச் சமூகம் ஒருபோதும் ஏற்காது.
சொந்த இடத்தில் சிலை வைப்பதாகக் கூறினாலும் குறிப்பிட்ட உயரத்துக்கு மேல் சிலை வைக்க தமிழக அரசின் பல்வேறு துறைகளிடமும் அனுமதி பெற வேண்டும். எனவே, திருச்சியில் பெரியாா் சிலை அமைக்க மாவட்ட ஆட்சியா் அனுமதி தரக் கூடாது.
திமுக ஆட்சியின்போது ஸ்ரீரங்கத்தில் பெரியாா் சிலை அமைத்ததைப் போல இப்போதும் செய்துவிடலாம் என முயன்றால் அதை முறியடிப்போம் என்றாா் அா்ஜுன் சம்பத்.
நிகழ்வில் கட்சியின் மாவட்டத் தலைவா் சந்துரு, மாவட்டச் செயலா் பாண்டி உள்ளிட்டோா் உடனிருந்தனா்.