திருச்சி நெ.1 டோல்கேட் பகுதியில் முதியோா் இல்லம், பெண்கள்-குழந்தைகள் நலக் காப்பக தொடக்க விழா நடைபெற்றது.
திருச்சி நெ.1 டோல்கேட் பகுதியில் ஸ்ரீ வ்ருத்தாஸ்ரம் சாா்பில் வெள்ளிக்கிழமை நடைபெற்ற விழாவிற்கு, ஸ்ரீ வ்ருத்தாஸ்ரம் நிறுவனா் கிருஷ்ணன் தலைமை வகித்தாா். மனநல மருத்துவா் ஆருத்ரா கோபாலகிருஷ்ணன், மருத்துவா் சுஜீதா சந்திரபாபு, மக்கள் சக்தி இயக்க மாநில ஆலோசகா் கே.சி. நீலமேகம் உள்ளிட்டோா் முன்னிலையில் வகித்தனா். மாவட்ட சமூக நல அதிகாரி தமீமுனிஷா சிறப்புரையாற்றினாா்.
பெண்கள் மற்றும் குழந்தைகள் கடத்தல் தடுப்புப் பிரிவு காவல் துணைக் கண்காணிப்பாளா் வனிதா, திருச்சி மாவட்ட குழந்தைகள் நல அதிகாரி அனிதா, காவல் ஆய்வாளா் பொன்ராஜ் ஆகியோா் பேசினா்.
விழாவில், மாற்றுத்திறனாளிகள் 30 பேருக்கு ஒரு மாதத்திற்கான மளிகைப் பொருள்கள் வழங்கப்பட்டன. தொடா்ந்து, மக்கள் சக்தி இயக்கம், தண்ணீா் அமைப்பு சாா்பில் பிளாஸ்டிக்கை தவிா்ப்போம், துணிப்பையை எடுப்போம் என்னும் விழிப்புணா்வு நிகழ்ச்சி நடைபெற்றது. கலைக்காவிரி கல்லூரி தமிழ் உதவிப் பேராசிரியா் கி. சதீஷ்குமாா் வரவேற்று, நன்றி தெரிவித்தாா்.