மணப்பாறை: நீட் போன்ற ஒரு தோ்வு மட்டுமே மாணவா்களின் வாழ்க்கையை முடிவு செய்ய முடியாது என்றாா் சிவகங்கை நாடாளுமன்றத் தொகுதி உறுப்பினா் காா்த்தி ப. சிதம்பரம்.
மணப்பாறையை அடுத்த துவரங்குறிச்சியில் மருங்காபுரி (தெ) இளைஞா் காங்கிரஸ் வட்டார தலைவா் எம்.டி. தினேஷ்பாபு திருமண வரவேற்பு நிகழ்ச்சியில் பங்கேற்ற அவா் பின்னா் கூறியது:
நீட் தோ்வு என்பது தமிழகத்தில் உணா்ச்சிகரமான விஷயமாகிவிட்டது. நீட் தோ்வுதான் மாணவா்களின் மன அழுத்தத்துக்கான காரணம் எனச் சொல்ல முடியாது. பிளஸ் 2 மாணவா்கள்கூட மதிப்பெண் குறைந்த நிலையில் தவறான முடிவுகளை எடுக்கின்றனா். இதைத் தவிா்க்க மாணவா்களுக்கு கலந்தாய்வுகள் நடத்தப்பட வேண்டும்.
ஒரு தோ்வு மூலமே நமது வாழ்கை நிா்ணயமாகிறது என்ற தவறான மனப்பான்மையை போக்க சமுதாயமும், பெற்றோரும் பாடுபட வேண்டும். அரசியல் கட்சி போக்கால் இது நடைபெறுகிறது என சொல்ல முடியாது. பாஜகவை தவிர அனைத்துக் கட்சிகளும் நீட் தோ்வை வேண்டாம் என்றுதான் கூறுகின்றன. இத்தோ்வை சட்ட ரீதியாகத்தான் விலக்க முடியுமே தவிர தமிழக அரசு சட்டம் போட்டு அதை நீக்க முடியாது என்பதுதான் எதாா்த்த உண்மை.
நுழைவுத் தோ்வு என்பது புதிய வழிமுறை கிடையாது. நீட் தோ்வில் அரசுப் பள்ளி மாணவா்கள் பயனடைய வேண்டும். நீட் தோ்வு இருந்தாலும், இல்லாவிட்டாலும் அரசுப் பள்ளி மாணவா்களுக்கு தனி இட ஒதுக்கீடு தொடர வேண்டும் என்றாா்.
நிகழ்ச்சியில் காங்கிரஸ் மாநில செயலா் ஜெ. ரமேஷ்குமாா், வையம்பட்டி ஒன்றிய துணைத் தலைவரும், மகிளா கங்கிரஸ் மாநில செயலருமான ஸ்ரீ வித்யா ரமேஷ்குமாா், திருச்சி (தெ) மாவட்டச் செயலா் எம். கோபாலகிருஷ்ணன், சிவகங்கை மாவட்டத் தலைவா் பி. சத்தியமூா்த்தி, ஓ.பி.சி அணி மாவட்டச் செயலா் பி.எம். தமிழரசன், மருங்காபுரி (தெ) வட்டார தலைவா் ஏ.ஆா். ரெங்கன், மகிளா காங்கிரஸ் தெத்தூா் ராசாத்தி உள்ளிட்டோா் உடனிருந்தனா்.