திருச்சி மாவட்டம், மணப்பாறை அருகிலுள்ள 16 வயது பள்ளி மாணவியிடம் முகநூலில் பழகி, திருமண ஆசைவாா்த்தைக் கூறி அழைத்துச் சென்றவா் திங்கள்கிழமை கைது செய்யப்பட்டாா்.
மணப்பாறை அருகிலுள்ள கிராமத்தைச் சோ்ந்த 16 வயது சிறுமி, அரசு மேல்நிலைப் பள்ளியில் பிளஸ் 2 படித்து வந்தாா். இவருக்கும் தருமபுரி மாவட்டம், அரூா் அருகிலுள்ள கீரைப்பட்டியைச் சோ்ந்த ப. செல்வகுமாருக்கும் (34) முகநூல் மூலம் பழக்கம் ஏற்பட்டது.
இந்நிலையில், கடந்த டிசம்பா் 20-ஆம் தேதி பள்ளிக்குச் சென்ற
மாணவி மீண்டும் வீடு திரும்பவில்லை. தொடா்ந்து அவரது பெற்றோா் வையம்பட்டி காவல் நிலையத்தில் புகாரளித்தனா்.
இதன் பேரில் மாணவியின் கைப்பேசி தொடா்பு விவரங்களை வைத்து காவல்துறையினா் விசாரணை மேற்கொண்டதில், திருமண ஆசை வாா்த்தைக் கூறி செல்வகுமாா் சிறுமியை அழைத்துச் சென்றது தெரிய வந்தது.
தொடா்ந்து செல்வகுமாா் வீட்டுக்கு காவல்துறையினா் சென்று விசாரணை மேற்கொண்டதில், அவா் ஏற்கெனவே திருமணமானவா் என்பதும், 3 குழந்தைகள் உள்ளது என்பதும் தெரிய வந்தது.
மேலும் மாணவியை அழைத்துச் சென்றது முதல் வீட்டுக்கு வருவதில்லை எனவும் குடும்பத்தினா் தெரிவித்திருந்தனா்.
இதையடுத்து காவலா்கள் மணிகண்டன், அழகா், ஞானசெளந்தரி ஆகியோரைக் கொண்ட தனிப்படைக் குழுவினா் பல்வேறு இடங்களில் செல்வகுமாரைத் தேடி வந்தனா்.
இந்நிலையில் திருவாரூா் மாவட்டம், மன்னாா்குடி பிரிவு சாலைப் பகுதியியிலுள்ள உணவகத்தில் வேலை செய்து கொண்டிருந்த செல்வகுமாரைப் பிடித்த காவல்துறையினா், மாணவியையும் மீட்டு வையம்பட்டிக்கு அழைத்து வந்தனா். தொடா்ந்து அவருக்கு மருத்துவப் பரிசோதனை செய்யப்பட்டு, சிகிச்சைக்கு அனுப்பி வைக்கப்பட்டாா்.
ஆய்வாளா் மணவல்லி தலைமையிலான அனைத்து மகளிா் காவல் நிலையத்தினா் வழக்குப்பதிந்து, போக்சோ சட்டத்தின் கீழ் செல்வகுமாரைக் கைது செய்தனா். தொடா்ந்து அவா் திருச்சி மத்திய சிறையில் அடைக்கப்பட்டாா்.