ஆட்சியரக வளாகத்தில் சரக்கு வேன் ஓட்டுநா் மனைவியுடன் தீக்குளிக்க முயற்சி

திருச்சி மாவட்ட ஆட்சியரக வளாகத்தில் சரக்கு வேன் ஓட்டுநா் மனைவியுடன் திங்கள்கிழமை தீக்குளிக்க முயன்றாா்.

அரியமங்கலம் உக்கடை பகுதியைச் சோ்ந்தவா் கோ. ஷேக்தாவூத் (53). சரக்கு வேன் ஓட்டுநா். இவரது மனைவி பாத்திமா. இருவரும் ஆட்சியரகத்துக்கு திங்கள்கிழமை வந்தனா். அவா்கள் குறைதீா் முகாமில் மனு அளிக்கச் செல்வதாக தெரிவித்து உள்ளே நுழைந்த சிறிது நேரத்தில் மறைத்து வைத்திருந்த மண்ணெண்ணெய் பாட்டிலை எடுத்து இருவரும் உடலில் ஊற்றி தீ வைக்க முயன்றனா்.

இதைகண்ட பாதுகாப்புப் பணியில் இருந்த காவல் உதவி ஆய்வாளா் சீனிவாசன், நுண்ணறிவுப்பிரிவு தலைமைக் காவலா் பொன்னுசாமி மற்றும் மகளிா் போலீஸாா் அவா்களை தடுத்துநிறுத்தினா்.

இதைத்தொடா்ந்து போலீஸாரிடம் ஷேக்தாவூத் கூறுகையில், ஸ்ரீரங்கத்தைச் சோ்ந்த தனியாா் நிதிநிறுவனத்தில் கடன் பெற்று சரக்கு வேன் வாங்கி ஓட்டி வருகிறேன். சில தவிா்க்க முடியாத காரணத்தால் தவணைத்தொகையை செலுத்த முடியவில்லை. இதனால், நிதி நிறுவனத்தினா் வேனை எடுத்துச் சென்றனா். மீதமுள்ள தவணைத் தொகையை செலுத்திவிட்டு வேனை எடுத்துச் செல்லுமறு கூறினா். பிறகு, மீதமுள்ள தவணைத் தொகை ரூ. 43,000த்தை செலுத்தச்சென்றபோது, கூடுதலாக ரூ.12,000 கேட்டனா். மேலும் வேனின் ஆா்.சி. புத்தகத்தை தராமல் இழுத்தடிக்கின்றனா். காவல்துறையில் புகாா் அளித்தும் உரிய நடவடிக்கை இல்லை. ஆகவே, தற்கொலைக்கு முயன்றோம் என்றாா்.

இதனையடுத்து, இருவருக்கும் அறிவுரை கூறிய மாவட்ட ஆட்சியா் மா. பிரதீப்குமாா், தொடா்ந்து, காவல்துறையினரை நடவடிக்கை எடுக்க உத்தரவிட்டாா். இதுகுறித்து ஸ்ரீரங்கம் போலீஸாா் விசாரணை மேற்கொண்டுள்ளனா்.