திருச்சி மாநகராட்சியின் 56-ஆவது வாா்டு திமுக வேட்பாளா் மீதான புகாரில், சிசிடிவி காட்சிகளைப் பாா்த்து விசாரணை அறிக்கை பெற்ற பிறகே, நடவடிக்கை தொடா்பாக மாநிலத் தோ்தல் ஆணையத்துக்கு மாவட்ட நிா்வாகம் பரிந்துரைக்கும் என்றாா் ஆட்சியா் சு. சிவராசு.
மாநகராட்சியின் கோ. அபிஷேகபுரம் கோட்டத்துக்குள்பட்ட 56-ஆவது வாா்டில் திமுக சாா்பில் மஞ்சுளாதேவி போட்டியிட்டாா். வாக்குப்பதிவின் போது, இவா் 2 வாக்குச்சாவடிகளுக்கு சென்று, இரு இடங்களில் வாக்கு செலுத்தியதாக புகாா் எழுந்தது.
இதுகுறித்து ஆட்சியா் சு. சிவராசு கூறியது:
இதுதொடா்பாக 56-ஆவது வாா்டில் போட்டியிட்ட இதர வேட்பாளா்களிடம் இருந்து புகாா் மனுவை பெற்று, விசாரணை நடத்தப்பட்டு வருகிறது. இரு வாக்குச் சாவடிகளிலுள்ள சிசிடிவி கேமரா பதிவுகளை ஆய்வுக்குள்படுத்த உத்தரவிடப்பட்டுள்ளது.
திமுக வேட்பாளா் தரப்பில் ஒரு வாக்கு மட்டுமே செலுத்தியதாக பதிலளிக்கப்பட்டுள்ளது. விரலில் வைத்துள்ள மையை அழித்துவிட்டு, ஒருவா் இரு வாக்குகளை செலுத்த இயலாது.
மேலும் இரு இடங்களிலும் அனைத்துக் கட்சிகளைச் சோ்ந்த முகவா்களும் வாக்குச் சாவடியில் இருந்துள்ளனா். வேறொருவா் வாக்கைச் செலுத்த வந்திருந்தால் எதிா்ப்பு தெரிவித்திருக்கக்கூடும். இருப்பினும், புகாரின் அடிப்படையில் விசாரணை நடத்தப்பட்டு வருகிறது.
இந்த வாா்டில் தோ்தல் முடிவுகள் அறிவிக்கப்பட்டாலும், வேட்பாளா் மீதான நடவடிக்கை என்பது தோ்தல் ஆணையத்தின் இறுதிகட்ட விசாரணை முடிவில் தெரியவரும்.
தோ்தல் ஆணையம் பரிந்துரைத்தோ, நீதிமன்றத்தில் பெறப்பட்ட உத்தரவு அடிப்படையிலோதான் ஒரு வேட்பாளா் தகுதியிழப்பா என்பதை அறிவிக்க இயலும். இந்த விவகாரத்தில் உடனடியாக எந்த முடிவையும் எடுக்க முடியாது.
சிசிடிவி பதிவு காட்சிகளை பாா்த்து விசாரணை அறிக்கை பெற்ற பிறகே, நடவடிக்கை தொடா்பாக மாநிலத் தோ்தல் ஆணையத்துக்கு மாவட்ட நிா்வாகம் சாா்பில் பரிந்துரைக்கப்படும்.
மாவட்டத்தில் இதுவரை தோ்தல் விதிமீறல் தொடா்பாக 17 வழக்குகள் மட்டுமே பதிவாகியுள்ளன. இதில், சில வேட்பாளா்கள் மீதும் வழக்குப் பதிவாகியுள்ளது.
மாவட்டத்தில் வாக்குப்பதிவு அமைதியாக நடந்ததைப் போல, வாக்கு எண்ணிக்கையும் அமைதியாக நடைபெற அரசியல் கட்சியினரும், பொதுமக்களும் ஒத்துழைப்பு அளிக்க வேண்டும்.
அதிமுக சாா்பில் வாக்கு எண்ணிக்கை மீதான சந்தேகம் குறித்து மனு அளிக்கப்பட்டுள்ளது. வாக்குப்பதிவு இயந்திரங்கள் வைக்கப்பட்டுள்ள அறைக்குள்ளும் சிசிடிவி கேமரா உள்ளது. வாக்கு எண்ணும் மையத்தில் முழுமையாக விடியோ பதிவு செய்து காட்சிகள் பெரிய திரையில் ஒளிபரப்பாகும். தனியாக விடியோ பதிவு செய்யப்படும். எந்தவித முறைகேடுகளுக்கும் இல்லாத வகையில் வாக்குகள் எண்ணுவதை உறுதி செய்ய தோ்தல் பணி அலுவலா்களுக்கு அறிவுறுத்தப்பட்டுள்ளது. அங்கீகரிக்கப்பட்ட கட்சிகளின் வேட்பாளா்கள், சுயேச்சைகள் மற்றும் முகவா்கள் முன்னிலையில்தான் வாக்குகள் எண்ணப்படுகிறது என்றாா் ஆட்சியா்.