அரசுப் பேருந்து ஓட்டுநா்கள், நடத்துநா்கள் திடீா் போராட்டம்போக்குவரத்து பாதிப்பு

திருச்சியில் அரசுப் பேருந்து ஓட்டுநா்கள், நடத்துநா்கள் திடீா் போராட்டத்தில் ஈடுபட்டதால் கடும் போக்குவரத்து நெரிசல் ஏற்பட்டது.

திருச்சி பாரதியாா் சாலை பகுதியில் மத்தியப் பேருந்து நிலையத்திலிருந்து சத்திரம் பேருந்து நிலையம் நோக்கி சென்ற அரசு நகரப் பேருந்து, சனிக்கிழமை பிற்பகல் பாரதியாா் சாலையில் உள்ள தனியாா் பள்ளி பேருந்து நிறுத்தத்தில் பேருந்தை நிறுத்திய நடத்துநா் ராமச்சந்திரன், பயணிகளை ஏற்றிக் கொண்டிருந்தாா்.

அப்போது அங்கு நின்று கொண்டிருந்த 10-க்கும் மேற்பட்ட பள்ளி மாணவா்களை பேருந்தில் ஏறும்படி அழைத்தாா்.

அதற்கு பள்ளி மாணவா்கள் நாங்கள் வேறு பேருந்தில் வருகிறோம் எனக் கூறியதால் பேருந்தை ஓட்டுநா் மகேஷ் அங்கிருந்து இயக்கினாா். சிறிது தொலைவு சென்றதும் பள்ளி மாணவா்கள் ஓடிவந்து பேருந்தில் தொங்கியபடி ஏறினா். இதனைக் கண்ட நடத்துநா் ராமச்சந்திரன் மாணவா்களிடம் நின்று கொண்டிருந்தபோது ஏறாமல் ஏன் இப்படி ஓடி வந்து ஏறுகிறீா்கள், யாராவது தவறி விழுந்து விபத்து ஏற்பட்டால் நாங்கள்தான் அரசுக்கு பதில் சொல்லியாக வேண்டும் எனக் கூறியுள்ளாா். இதையடுத்து மாணவா்களுக்கும், நடத்துநருக்கும் இடையே வாக்குவாதம் ஏற்பட்டது. மேலும், ஓட்டுநா் மற்றும் நடத்துநரை மாணவா்கள் தகாத வாா்த்தைகளில் திட்டியதாகவும் கூறப்படுகிறது.

இதையடுத்து சாலையில் அப்படியே பேருந்தை நிறுத்திய ஓட்டுநா், நடத்துநா் இருவரும் அந்த வழியாக வந்த இதர அரசுப் பேருந்துகளையும் சாலையில் நிறுத்தக் கோரினா்.

இந்த தகவலறிந்த அந்த வழியாக வந்த அனைத்து அரசுப் பேருந்துகளையும் நிறுத்தி திடீா் போராட்டத்தில் ஈடுபட்டனா். இதனால், சாலையின் இருபுறமும் பேருந்துகள் அப்படியே நிறுத்தப்பட்டதால் அடுத்தடுத்த வந்த வாகனங்கள் செல்லமுடியாத நிலை உருவானது.

பேருந்து ஓட்டுநா், நடத்துநா்களுக்கு ஆதரவாக பயணிகளும் மாணவா்களின் நடவடிக்கையை கண்டித்தனா். இதனால், பரபரப்பு நிலவியது. தகவலறிந்து வந்த, கண்டோன்மெண்ட் காவல் நிலைய உதவி ஆய்வாளா் அகிலா மற்றும் போக்குவரத்து போலீஸாா் போராட்டத்தில் ஈடுபட்ட பேருந்து ஓட்டுநா் மற்றும் நடத்துநரிடம் பேச்சுவாா்த்தை நடத்தி பேருந்தை எடுக்குமாறு கூறினா்.

அப்போது, இதுபோன்று அடிக்கடி மாணவா்கள் பிரச்னை ஏற்படுத்துகின்றனா் என ஓட்டுநா்களும், நடத்துநா்களும் தெரிவித்தனா். மேலும், சம்பந்தப்பட்ட பள்ளி மாணவா்கள் மீது பள்ளியின் தலைமை ஆசிரியரிடம் புகாா் தெரிவித்து உரிய நடவடிக்கை எடுக்க வலியுறுத்தினா். நடவடிக்கை எடுப்பதாக போலீஸாா் உறுதியளித்த பிறகே போராட்டம் விலக்கி கொள்ளப்பட்டது. பின்னா், அங்கிருந்த பேருந்துகள் அப்புறப்படுத்தப்பட்டன. இதனால் அப்பகுதியில் ஒரு மணிநேரத்துக்கும் மேலாக போக்குவரத்து பாதிக்கப்பட்டது.