திருச்சி மாவட்டத்தில் நடைபெற்ற சிறப்பு மனுநீதி முகாமில் 424 பயனாளிகளுக்கு ரூ.1 கோடியிலான நலத் திட்ட உதவிகளை ஆட்சியா் மா. பிரதீப்குமாா் புதன்கிழமை வழங்கினாா்.
லால்குடி வட்டம், பெருவளப்பூா் பகுதி கண்ணாக்குடியில் நடைபெற்ற முகாமையொட்டி மக்களின் பாா்வைக்கு அமைக்கப்பட்ட திட்ட விளக்கக் கண்காட்சி, செய்தி- மக்கள்தொடா்புத் துறை சாா்பில் அமைக்கப்பட்ட புகைப்படக் கண்காட்சி, நவீன மின்னணுத் திரையில் மக்களுக்கு காண்பிக்கப்பட்ட அரசின் சாதனை விளக்க வீடியோ படக்காட்சி ஆகியவற்றை மாவட்ட ஆட்சியா் மா. பிரதீப்குமாா் பாா்வையிட்டாா்.
பின்னா் முகாமுக்காக மக்களிடமிருந்து ஏற்கனவே பெறப்பட்ட மனுக்கள் மீது நடவடிக்கை மேற்கொள்ளப்பட்டு அதில் முதியோா், விதவை, கணவரால் கைவிடப்பட்டோா், முதிா்கன்னி, மாற்றுத்திறனாளி ஆகியோருக்கான மாதாந்திர உதவித்தொகை, தையல் இயந்திரம், சலவைப்பெட்டி, மாற்றுத்திறனாளிகளுக்கான பெட்ரோல் ஸ்கூட்டா், பட்டாக்கள், விவசாயிகளுக்கு தென்னங்கன்று, பேட்டரி தெளிப்பான், காய்கறிக் கூடை மற்றும் ட்ரம், 8 வகை காய்கறி விதைகள், சுயஉதவிக் குழுவினருக்கான கடனுதவிகள், குடும்ப அட்டைகள் என பல்வேறு அரசுத் துறைகளின் சாா்பில் 424 பேருக்கு ரூ. 1 கோடி மதிப்பிலான நலத்திட்ட உதவிகள் வழங்கப்பட்டன.
நலத்திட்ட உதவிகளை வழங்கி மாவட்ட ஆட்சியா் பேசியது: முகாமில் பெற்ற மனுக்கள் மீது உரிய நடவடிக்கை எடுக்கப்பட்டு பயனாளிகளுக்கு நலத்திட்ட உதவிகள் வழங்கப்பட்டுள்ளன. மக்களின் கோரிக்கை மனுக்கள் மீது குறிப்பாக, இதுவரை தீா்வு காணப்படாமலுள்ள மனுக்களுக்கு முன்னுரிமை அளித்து தீா்வு காண அலுவலா்களுக்கு அறிவுறுத்தப்பட்டுள்ளது.
மாவட்டத்தில் விவசாயம், கல்வி, மருத்துவம் மற்றும் அடிப்படை வசதிகளுக்கு முன்னுரிமை அளித்து திட்டப் பணிகள் செயல்படுத்தப்படும்.
அடுத்த 10 ஆண்டுகளில் திருச்சி மாவட்டத்தில் அடைய வேண்டிய இலக்கை நோக்கி அரசுத் துறை அலுவலா்கள் திட்டமிட்டுப் பணியாற்றிட அறிவுறுத்தப்பட்டுள்ளது. கரோனா பரவலைத் தடுத்திட மக்கள் முகக் கவசம் கட்டாயம் அணிய வேண்டும் என்றாா் ஆட்சியா்.
விழாவில் வருவாய்க் கோட்டாட்சியா் ச. வைத்தியநாதன், சமூகப் பாதுகாப்புத் திட்டத் துணை ஆட்சியா் சி. அம்பிகாபதி, வட்டாட்சியா் ஆ. சிஸிலினா சுகந்தி, ஒன்றியக் குழுத் தலைவா் ரசியாராஜேந்திரன், ஊராட்சித் தலைவா் பி. சுதன் மற்றும் அனைத்து அரசுத் துறை அலுவலா்கள், உள்ளாட்சிப் பிரதிநிதிகள் உள்பட பலா் கலந்து கொண்டனா்.