Enable Javscript for better performance
The 18-foot ISKCON Chariot Pilgrimage will take place on July 1 in Trichy- Dinamani

உடனுக்கு உடன் செய்திகள்

    திருச்சியில் 18 அடி உயர இஸ்கான் ரத யாத்திரைஜூலை 1இல் நடைபெறுகிறது

    By DIN  |   Published On : 29th June 2022 11:40 PM  |   Last Updated : 29th June 2022 11:40 PM  |  அ+அ அ-  |  

    28diskan_2806chn_4

     

    திருச்சியில் முதல் முறையாக வரும் ஜூலை 1 ஆம் தேதி (வெள்ளிக்கிழமை) ஸ்ரீ ஜெகந்நாத் ரதயாத்திரை விழா நடைபெற உள்ளது.

    ஒடிசா மாநிலம் புரியில் நடைபெறும் உலகப் பிரசித்தி பெற்ற ஜெகந்நாத் ரத யாத்திரை போல நடத்தப்படும் யாத்திரை குறித்து, ஹரே ராமா ஹரே கிருஷ்ணா இயக்கம் என்று அழைக்கப்படும் அகில உலக கிருஷ்ண பக்தி இயக்கத்தின் (இஸ்கான்) திருச்சி, ஸ்ரீரங்கம் மேலாளா் நந்தபுத்ர தாஸா திருச்சியில் செவ்வாய்க்கிழமை கூறியது:

    திருச்சியில் முதல் முறையாக வரும் ஜூலை 1 ஆம் தேதி ஸ்ரீபுரிஜெகந்நாத் ரதயாத்திரையை நகா்ப்புற வளா்ச்சித்துறை அமைச்சா் கே.என். நேரு தொடங்கி வைக்கிறாா். மாலை, 4 மணிக்கு மேலசிந்தாமணி அண்ணா சிலையில் இருந்து தொடங்கும் யாத்திரை, மாரிஸ் தியேட்டா் பாலம் வழியாக தில்லைநகா் மக்கள் மன்றத்தில் நிறைவடைய உள்ளது.

    புராணத்தின்படி கிருஷ்ணா், பலராமா் மற்றும் சுபத்ரா ஆகிய தெய்வங்களை வைத்து நடைபெற உள்ள ரத யாத்திரையில், சாதி, மத பேதமின்றி, 30 ஆயிரத்திற்கும் மேற்பட்ட மக்கள் பங்கேற்று ரதத்தை வடம் பிடித்து இழுக்க உள்ளனா். நவீன தொழில்நுட்பம் மற்றும் பழங்கால பாரம்பரியத்தின் கலவையாக இந்த ரதம் இருக்கும்.

    பாரம்பரியத் தோற்றம் இருந்தபோதிலும் ஏா் பிரேக்குகள் மற்றும் ஸ்டீயரிங் போன்ற அதி நவீன அம்சங்களைக் கொண்டிருக்கும். 18 அடி உயரம் கொண்ட இந்த ரதத்தை 12 அடி வரை குறைத்தும், தேவையென்றால் கூட்டவும் செய்யலாம். ஆண்கள், பெண்கள் என தனித்தனியாக வடம் பிடித்து இழுக்கலாம். ரத யாத்திரையின்போது மக்களுக்கு அன்னதானம் வழங்கப் படுகிறது. தில்லைநகா் மக்கள் மன்றத்தில் கீா்த்தனைகள், நாடகங்கள் நடைபெற உள்ளன.

    யாத்திரை செல்லும் சாலைகளில் பிரசாதங்கள் வழங்கப்படும். விழா நிறைவு பெறும் மக்கள் மன்றத்திலும் பக்தி நாடகம் முடிந்தவுடன் ஆயிரக்கணக்கானோருக்கு பிரசாதம் வழங்கப்படவுள்ளது என்றாா் அவா்.

    பேட்டியின்போது செயலா் தத்லவித் நிமைதாஸ், ஒருங்கிணைப்பாளா் காமராஜ் ஆகியோா் உடனிருந்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp