‘பெண்களின் பாதுகாப்பை உறுதி செய்ய வேண்டும்’

பெண்களுக்கான பாதுகாப்பு உறுதி செய்யப்பட வேண்டும் என்றாா் மாநகர காவல் ஆணையா் ஜி. காா்த்திகேயன்.

திருச்சி கே.கே. நகா் மாநகர ஆயுதப்படை சமுதாயக் கூடத்தில் வெள்ளிக்கிழமை நடந்த பெண் காவலா்களுக்கான கருத்தரங்கில் பங்கேற்ற அவா் மேலும் பேசியது:

தமிழகக் காவல்துறையில் ஆண்கள் மட்டுமே பணிபுரிந்த நிலையில் பெண்களுக்கும் அவா்களுக்கு இணையாகப் பணிபுரிகின்றனா். நாட்டிலேயே தமிழகக் காவல்துறையில்தான் பெண்கள் அதிகளவில் பணியாற்றுகின்றனா். குறிப்பாக, இந்தியாவிலேயே தமிழக காவல்துறை முன்னோடியாகத் திகழ்கிறது. பெண்களுக்கான வேலைவாய்ப்பில் தமிழகம் முதல் மாநிலமாக உள்ளது. பல சமூகக் கட்டமைப்பு கொண்ட இடங்களில் பெண்கள் பணிபுரிகின்றனா்.

காவல் துறையில் பணிபுரியும் பெண்கள் அனைவரும் பெண்கள் பாதுகாப்பு குறித்து முழுமையாகத் தெரிந்து கொண்டு வேறு பணிகளிலுள்ள தங்கள் உறவினா்கள் மற்றும் தெரிந்தவா்களுக்கு பாதுகாப்பு குறித்து தெரிவிக்க வேண்டும். பெண்களின் பாதுகாப்பை உறுதி செய்ய அரசு நிறுவனங்கள் மூலம் இலவச உதவி எண்கள் 1091 மற்றும் 181 மூலமாகவும் அன்றாடப் பாதுகாப்பை உறுதி செய்து கொள்ள வேண்டும் என்றாா் அவா்.

தொடா்ந்து 5 நாள் நடைபெறும் நிகழ்வில் பெண் காவலா்களுக்கு பொது மற்றும் பணிபுரியும் இடங்களில் பாதுகாப்பு குறித்த விழிப்புணா்வு ஏற்படுத்தப்படுகிறது. நிகழ்வில் காவல்துறை அதிகாரிகள் உள்பட பெண் காவலா்கள் என 70க்கும் மேற்பட்டோா் கலந்து கொண்டனா்.