சமயபுரம் கோயிலில் பஞ்சபிரகார திருவிழா இன்று தொடக்கம்

பிரசித்தி பெற்ற சமயபுரம் மாரியம்மன் கோயிலில் பஞ்சபிரகார திருவிழா வெள்ளிக்கிழமை தொடங்குகிறது.

மே 6 தொடங்கி மே 23 வரை நடைபெறும் விழாவில் முதல் எட்டு நாள்கள் இரவு உற்சவ அம்பாள் வெள்ளிக் கேடயத்தில் புறப்பாடு நிகழ்வும் , 9 ஆம் நாள் முதல் 18 ஆம் நாள் வரை பல்வேறு வாகனங்களில் திருவீதி உலாவும் நடைபெற உள்ளது.

விழாவின் முக்கிய நிகழ்வாக மே 15 ஆம் தேதி கொள்ளிடம் ஆற்றில் இருந்து 25 வெள்ளிக் குடங்களில் புனித நீா் எடுத்து வரப்பட்டு, கோயில் திருமண மண்டபத்தில் ஒரு தங்கக் குடம் மற்றும் 25 வெள்ளிக் குடங்களுக்கு பூஜைகள் செய்யப்பட்டு மதியம் 2 மணிக்கு பஞ்சப் பிரகார மஹா அபிஷேகம் நடைபெற உள்ளதாக கோயில் நிா்வாகம் தெரிவித்தது.