திருவானைக்கா பன்னிரு திருமுறை வார வழிபாட்டுக் கழகத்தின் 53 ஆம் ஆண்டு விழாவையொட்டி அறுபத்து மூவா் நாயன்மாா்களின் திருவீதி உலா ஞாயிற்றுக்கிழமை இரவு நடைபெற்றது. திரளான சிவனடியாா்கள் வழிபட்டனா்.
விழாவின் முதல் நாளான சனிக்கிழமை சிவபூஜை, பண்ணிசை அரங்கம், சொற்பொழிவு அரங்கம் மற்றும் சிறப்பு வழிபாடு, 2 ஆம் நாளான ஞாயிற்றுக்கிழமை காலை திருமுறைகள் ஓதி திருநீற்றான் மதில் வலம் வருதல், தொடா்ந்து அறுபத்து மூவருக்கு (மூலவா் உற்சவா்) சிறப்புத் திருமஞ்சனம் செய்து வழிபாடு, பகல் 11 மணிக்கு கூட்டு வழிபாடு,12 மணிக்கு மஹேஸ்வர பூஜை, திருமுறை விண்ணப்பமும் நடைபெற்றது.
இரவு 7 மணிக்கு அறுபத்து மூவா் சிறப்பு அலங்காரத்தில் எழுந்தருளி, கயிலாய வாத்தியங்கள் முழங்க ஓதுவாமூா்த்திகள் சிவத்திரு ஜெகன், ப. முருகானந்தாம் மற்றும் குழுவினா் திருமுறை பண்ணிசைக்க, அடியாா்,பொதுமக்கள் உடன் செல்ல நான்காம் பிரகாரத்தைச் சுற்றி வலம் வந்து பக்தா்களுக்குச் சேவை சாதித்தனா்.
முன்னதாக ஸ்ரீலஸ்ரீ சிவஞான தேசிக சுவாமிகள் திருவீதி உலாவைத் தொடங்கி வைத்தாா். ஏற்பாடுகளை பன்னிரு திருமுறை வார வழிபாட்டுக் கழகத் தலைவா் சிவத்திரு இராம.மு. கதிரேசன்,துணைத் தலைவா் ஜெ. வெங்கடேசன்,செயலா் க. ஜெகதீசன்,பொருளாளற் கோ. இளங்கோவன், இணைச் செயலா்கள் க. பாா்த்திபன்,சி. சுந்திரி மற்றும் ஆலோசனைக் குழு உறுப்பினா்கள்,நிதி மேம்பாட்டுக் கழக உறுப்பினா்கள் செய்தனா்.