வகுப்பறையில் ஆசிரியா்கள் அச்சமுற்றால், அது சமூகத்தில் எதிரொலிக்கும் என்றாா் பேச்சாளா் பாரதி பாஸ்கா்.
துறையூா் செளடாம்பிகா மெட்ரிக். பள்ளி மைதானத்தில் விதை என்ற தலைப்பில் ஆசிரியா் தின விழா சனிக்கிழமை நடைபெற்றது. இதில் பங்கேற்று, மேலும் அவா் பேசியது:
இன்றைய ஆசிரியா்கள் தங்கள்துறை மேம்பாடுகளை உடனுக்குடன் கற்றறிந்து, மாணவா்களுக்கு போதிக்க வேண்டும். இன்றைய நிலையில் மாணவா்கள் மீது
பெற்றோா்கள் பாசமும், குறுக்கீடும், ஆசிரியா்களுக்கு பணியில் நெருக்கடி தருகிறது. ஒரு காலத்தில் எளிமையான பணி என்று கருதப்பட்ட ஆசிரியா் பணி, தற்போது அச்சுறுத்தலாகவும், சவாலானதாகவும் மாறியுள்ளது. தொழில்நுட்ப வளா்ச்சிகளால், ஊடகங்களால் தங்களையும், தங்கள் நிறுவனத்தின் மதிப்பையும் காப்பாற்ற ஆசிரியா்கள் போராடுகின்றனா். வகுப்பறையில் ஆசிரியா்கள் அச்சமுற்றால் அது சமூகத்தில் எதிரொலிக்கும் என்றாா்.
விழாவுக்கு செளடாம்பிகா கல்விக் குழுமத் தலைவா் ராமமூா்த்தி தலைமை வகித்து,
கல்விக் குழுமத்திலுள்ள ஆசிரியா்களின் அா்ப்பணிப்பு, தலைமைப் பண்பு குறித்து பேசினாா். கல்விக் குழுமத்தில் ஆசிரியா்களுக்கு வழங்கப்பட உள்ள விருதுகள் குறித்து செயலா் செந்தூா்செல்வன் பேசினாா். தொடா்ந்து செளடாம்பிகா கல்விக் குழும முதல்வா்கள் தங்கள் பள்ளியின் சிறப்பை எடுத்துக் கூறினா்.
இதைத் தொடா்ந்து, சிறப்பாக பணியாற்றிய கல்விக் குழும ஆசிரியா்களுக்கு விருதுகள் வழங்கப்பட்டன. ஆசிரியா்களின் கலை நிகழ்ச்சிகளும் நடைபெற்றன.